Москва - Нью-Йорк рейси бизнес-классида келиб чиққан жанжал сабаб рейс стюардессаси жабр кўрди. Унинг юзига қараб урган йўловчи эса полиция томонидан қўлга олинган ва ҳодиса юзасидан жиноий иш қўзғатилган.Бу ҳақида МВДнинг расмий вакили Ирина Волк берган маълумотларга таянган ҳолда “Korrespondent.net” сайти хабар тарқатди.
“Ҳодиса Москва-Нью-Йорк йўналишидаги рейсни амалга ошираётган ҳаво кемаси бортида содир бўлган. Бизнес-класс йўловчиси ижтимоий тартибни бузган, беодоб сўзлардан фойдаланган, огоҳлантиришларга диққат қаратмаган ва парвоз ҳамда йўловчилар ҳаёти учун ҳақиқатан хавф туғдирган” дейди Волк.
Натижада эркак стюардессанинг юзига қараб урган. Аёл эса Шереметьево полициясига мурожаат қилган ва йўловчи зудлик билан рейсдан олинган.