Интернетда “FarruhUZ” ники остида ВАЗ 2106 русумли автомобилдан электромобил ясаган ўзбек йигити машҳур бўлиб бормоқда. Маълум бўлишича унинг исми Фаррух, у Олма-Отада яшайди.Фаррух томонидан Ютуб ва инстаграмда жойлаштирган фото ва видеоматериаллар жуда кўп мухлисларни жамламоқда.
У ВАЗ 2106 асосида, Хитойда ишлаб чиқилган деталлар асосида ясаган электромобил бир қувватлашда 200 кмгача масофани босиб ўтиши мумкин. Шаҳар ва трасса аралаш режимида. Лекин ушбу маълумот аниқ текширилмаган. Буни максимал натижа деб қабул қилиш керак. Реал ҳаётда ушбу кўрсатгич 100 – 130 км бўлиши мумкин.
Фаррухнинг электромобили тўлиқ харажатлари келтириб ўтилмаган, лекин қуйидаги нархларни келтириш мумкин:
Донор автомобил – ВАЗ 2106 - 1000 $
Электро двигатель 3 фаза, 10 кВт – 1000 $
Аккумулятор 96 Вольт, 30 кВт/соат – 1500 $
Контроллер 10 кВт – 800 $
Редуктор, контакторы ва бошқа нарсалар– 1500 - 2000 $
Қувватлаш мосламаси– 400 $
Иш ҳақи – номаълум.
Ушбу нархлар Олма-Отада жойлашган магазин нархлари. Хитойдан тўғридан-тўғри сотиб олса ушбу деталлар арзонроқ бўлиши мумкин, албатта.