Фото: Autostrada Асакада автомобилларнинг янги моделларини ишлаб чиқаришни ташкил этиш учун Вазирлар Маҳкамасининг қарорига биноан 2,1 триллион сўм сарфланади, деб хабар бермоқда Дарё нашри.
Ҳужжатда Андижон вилоятида режалаштирилаётган 553 та инвестиция лойиҳалари рўйхати тасдиқланган. Янги моделдаги автомобилларни ишлаб чиқариш уларнинг орасида энг йиригидир.
Лойиҳани амалга ошириш натижасида 800 та янги иш ўринлари яратилиши кутилмоқда. Ишга тушириш 2022 йилнинг мартига мўлжалланган. Бундан ташқари, Асакада автомобилларга бутловчи қисмлар ишлаб чиқаришни кенгайтириш бўйича 20 та лойиҳа амалга оширилади.