«Замин»ни Telegram’да ўқинг! Join!
Zamin.uz
, 18 2019, 02:26
ЎЗO‘Z

Санъаткорлар даромад солиғи тўлашдан тўлиқ озод қилиндими?

14 июл, 10:32 4 607 Маданият
Санъаткорлар даромад солиғи тўлашдан тўлиқ озод қилиндими?
Давлат солиқ қўмитаси Концерт-томоша фаолияти билан шуғулланиш учун лицензия олган жисмоний шахсларнинг жисмоний шахслардан олинадиган даромад солиғи тўлаши бўйича маълумот берди.

Ўзбекистон Республикаси Вазирлар Маҳкамасининг 2015 йил 9 декабрдаги «Концерт-томоша фаолиятини амалга ошириш тартибини янада такомиллаштириш чора-тадбирлари тўғрисида»ги 354-сонли қарори билан тасдиқланган «Концерт-томоша фаолиятини лицензиялаш тартиби тўғрисида»ги Низомнинг 2-бандига мувофиқ, концерт-томоша фаолиятини лицензиялаш Миллий эстрада санъатини ривожлантириш ва мувофиқлаштириш кенгаши ҳузуридаги ижодий кўмаклашувчи вакиллар гуруҳининг хулосалари асосида «Ўзбекнаво» эстрада бирлашмаси томонидан амалга оширилади.

Мазкур Низомнинг 5-бандига асосан, лицензия концерт-томоша фаолиятининг олти рейтинг гуруҳлари бўйича берилади:

а) I, II, III, IV рейтинг гуруҳлари берилиши:

- яккахон ижрочи концертини ташкил этиш (битта ижрочининг яккахон концерт дастури);
- битта жанрнинг икки ёки ундан кўп ижрочиси иштирокидаги концерт дастурида иштирок этиш;
- турли жанрлар йўналишларининг бир нечта ижрочилари иштирокидаги концерт дастурида иштирок этиш;
- оммавий ахборот воситаларида қўшиқлар ва видео клиплар тақдим этиш;
- тўйлар, юбилейлар ва бошқа тантаналарда концерт хизмати кўрсатиш ҳуқуқини беради;
б) V ва VI рейтинг гуруҳлари берилиши тўй, юбилей ва бошқа тантаналарга концерт хизмати кўрсатиш (ресторанлар, барлар, қаҳвахоналар ва хусусий уйларда тўй, юбилей ва бошқа тантаналарга хизмат кўрсатиш), шу жумладан, кўнгилочар ташкилотларда (клублар, дискотекалар, ресторанлар, барлар ва қаҳвахоналарда) концерт хизмати кўрсатиш ҳуқуқини беради.

Лицензия талабгорининг аризасига кўра, лицензия умуман фаолият турига ёки унинг бир қисмига берилиши мумкин.

Низомнинг 16-бандига мувофиқ, лицензия талабгорининг лицензия бериш тўғрисидаги аризаси кўриб чиқилганлиги учун қонун ҳужжатларида тўлов кунида белгиланган энг кам ойлик иш ҳақининг икки баравари миқдорида (бугунги кунда 299 550 сўм) йиғим ундирилади.

Лицензия талабгори берилган аризадан воз кечган тақдирда тўланган йиғим суммаси қайтариб берилмайди.

Бундан ташқари, Вазирлар Маҳкамасининг юқорида қайд этилган 354-сонли қарорининг 2-иловаси билан концерт-томоша фаолиятини амалга ошириш ҳуқуқи учун давлат божи ставкалари тасдиқланган бўлиб, унга кўра концерт-томоша фаолияти билан шуғулланувчилар рейтинг гуруҳларидан келиб чиққан ҳолда, йилига энг кам ойлик иш ҳақининг (ЭКИҲнинг) I рейтинг учун ЭКИҲнинг 195 баравари миқдорида (бугунги кунда 29206,1 минг сўм), II рейтинг учун ЭКИҲнинг 98 баравари (14677,9 минг сўм), III рейтинг учун ЭКИҲнинг 65 баравари (9735,4 минг сўм), IV рейтинг учун ЭКИҲнинг 40 баравари (5991,0 минг сўм), V рейтинг учун ЭКИҲнинг 26 баравари (3894,1 минг сўм) ва VI рейтинг учун ЭКИҲнинг 13 баравари (1947,1 минг сўм) миқдорида давлат божини тўлайдилар.

Ўзбекистон Республикаси Солиқ кодексининг 180-моддаси биринчи қисми 8-бандига асосан, концерт-томоша фаолияти билан шуғулланиш ҳуқуқини берувчи лицензияга эга бўлган шахслар – ушбу фаолиятдан олинган даромадлари бўйича жисмоний шахслардан олинадиган даромад солиғидан тўлиқ озод қилинади.

Айни пайтда шунга эътибор бериш керакки, концерт-томоша фаолияти билан шуғулланиш ҳуқуқини берувчи лицензиясига эга бўлган жисмоний шахслар фақат концерт-томоша фаолиятидан олинган даромадлари бўйича жисмоний шахслардан олинадиган даромад солиғидан озод қилинади. Концерт-томоша фаолияти билан шуғулланиш ҳуқуқини берувчи лицензиясига эга бўлган жисмоний шахсларнинг концерт-томоша фаолиятидан ташқари олган барча даромадлари белгиланган тартибда жисмоний шахслардан олинадиган даромад солиғига тортилади.

“Замин” янгиликларини “Telegram”да кузатиб боринг
Мавзуга оид янгиликлар
  • Ягона ижтимоий тўловни ўз вақтида тўламаган санъаткорлар лицензиясидан маҳрум қилинади 23 июн, 10:31
  • “Ўзбекнаво” лицензия сўраган 50 санъаткорга эшикни кўрсатди 24 дек, 16:13
  • Лицензияси тугатилган Сарвар ва Комил “Ўзбекнаво”га эътироз билдирди 21 июл, 00:30
  • «Ўзбекнаво» Эсмеральда Раҳматованинг лицензиясини қайтариб берди 24 ноя, 20:48
  • Хонанда Лоланинг лицензияси тўхтатилди 15 июл, 13:35
  • «Ўзбекнаво» Тамила, Анвар Собиров ва Ягонанинг лицензиясини тўхтатди 03 июл, 17:42
  • Сўнгги янгиликлар
  • Хива турк дунёсининг маданий пойтахти бўлиши кутилмоқда 18 сен, 00:13 138
  • Баҳодир Жалолов ҳам чорак финалга чиқди 17 сен, 23:58 162
  • Дилшодбек Рўзметов ҳам чорак финалга чиқди 17 сен, 23:42 120
  • Автомобилларга уч фоизлик йиғимни харидор эмас, ишлаб чиқарувчи тўлайди 17 сен, 23:26 229
  • Россияда ўзбекларнинг полицияга ҳужум қилгани тасдиқланди 17 сен, 23:00 370
  • Қора туйнуклар орқали замонлар оша саёҳат қилиш мумкин дейишмоқда 17 сен, 22:34 491
  • Ўзбекистоннинг яна икки вакили жаҳон чемпионатида чорак финалга чиқди 17 сен, 22:11 246
  • Хайрулла Ҳамидов шеъри: Бадниятлар 17 сен, 22:00 517
  • iPhone ХR ва XS’да бир вақтда бир неча камерадан фойдаланиш имконияти пайдо бўлади 17 сен, 21:35 177
  • Юнон-рум курашчиларимиз умумжамоа ҳисобида иккинчи бўлди 17 сен, 21:10 246
  • Бўлимлар