Фарҳод ва Ширин дуэти продюсери, шоир Бобур Бобомурод журналист Жасур Ҳамроевнинг Facebook саҳифаси орқали интернет фойдаланувчиларини қизиқтирган саволларга жавоб берди деб ёзади Даракчи нашри. Мухлислардан бири “Ширин билан ўртангизда нима бор? Эшитишимча, у билан ишқий муносабатда экансиз?” дея савол берди.
“Атрофда айланаётган миш-мишларга эътибор бермаслик керак. Бу нарса одамларга керак эканки, гапиришади. Ўзим ҳақимдаги миш-мишларни кейинчалик эшитиб қоламан.
Одамларга ғийбат қилиш ёмон, миш-миш тарқатиш гуноҳ дейман.
Ширин кичкина қизча эди. Уни ҳеч ким танимас эди. Шу қизча юзага чиқди. Катта-катта давлат тадбирларида иштирок этяпти. Стадионларни тўлдириб концерт беряпти. Олийгоҳларда таҳсил олди. Ҳаётда ўз ўрнини топяти. Нимага одамлар Ширин ҳақидаги мана шу гапларни гапирмайди?
Шунинг учун бундай гап-сўзларга эътибор бермаслик керак. Бу миш-мишлар биздан олдинги устозларда бўлмаганми? Навоий, Абдулла Орипов, Юлдуз Усмонова ёки Шерали Жўраев ҳақида миш-мишлар тарқалмаганми?”,—дейди Бобур Бобомурод бу саволга жавобан.