Қўшиқчи Тимати Black Star компанияси қошида футбол клубига асос солиш ниятида, деб ёзди «Дарё» нашри. Бунда алоҳида футбол агентлиги бўлиши ҳам кўзда тутилган.Компания ҳаммуассиси Павел Курьяновнинг аниқлик киритишича, лойиҳанинг биринчи йили учун 10 миллион рубль сарф этиш режалаштирилган. Бу борада Black Star компаниясига Россия футбол иттифоқи лицензиясига эга бўлган мутахассис кўмаклашади.
«Асосий мақсадларимиздан бири 3-5 йил ичида футбол жамоасига асос солиш. Унинг номи Black Star бўладими ёки шунчаки «Москва», аниқ тўхтамга келмаганмиз. Биз ортиқча уриниш ёки ҳаракатларсиз жамоани ғарб принципларига асосан шакллантиришни мақсад қилганмиз».
«Бизга энг муҳими капитализация ҳамда қизиқарли футбол. Давлат пулларини ўзлаштириш ёки футболчиларга белгиланган катта маошлар ортидан пул ювиш керак эмас», — деб тушунтириш берди Курьянов.
Жамоа ўз фаолиятини расман қайси мавсумдан бошлаши ҳозирча аниқ эмас.