Ўзбекистон президенти Шавкат Мирзиёев Олий Мажлиснинг Сенати ва Қонунчилик палатасига мурожаатномаси давомида фуқаролик масалалари, узоқ йиллар давомида Ўзбекистон фуқаролигини ололмаётган шахслар, «Ўзбекистон Республикаси фуқаролиги тўғрисида»ги қонуни ҳақида гапирди.
«Ўзбекистон Республикаси фуқаролиги тўғрисида»ги қонуни 28 йил олдин қабул қилинган бўлиб, бугунги ҳаёт талабларига жавоб бермайди. 1995 йилгача Ўзбекистонга келган ва шундан буён истиқомат қилаётганларга автоматик тарзда фуқаролик берилиши даркор. Бу билан 50 мингга яқин юртдошларимизнинг фуқаролик бўйича муаммолари ҳал этилади» - деди президент.