Мажбурий ижро бюроси Пискент туман бўлими томонидан Оҳангарон туманлараро иқтисодий судининг ижро варақасига асосан, қарздор “А1 Mir Zafar” МЧЖдан, ундирувчи “Real Lyuks Servis” МЧЖ фойдасига 122 млн. 162 минг сўм карз ундириш тўғрисидаги ижро ҳужжати бўйича Мажбурий ижро ҳаракатлари олиб борилиб, банклардаги барча ҳисоб рақамлари хатланиб, уларга банд солинган. Тегишли ташкилот, муассаса ва корхоналарга сўровномалар юборилиб, ушбу жамиятнинг мулкий аҳволи ўрганилган.Мажбурий ижро ҳаракатлари натижасига кўра “А1 Mir Zafar” МЧЖ ҳисобидан, 122 млн. 162 минг сўм миқдоридаги пул маблағлари “Real Lyuks Servis” МЧЖ фойдасига тўлик ундирилиб, амалда ижро ҳужжатининг ижроси тамомланди.