Бу воқеани эшитган одам ҳайратдан ёқа ушлаши табиий ҳол. Фарғонада эр шаръий никоҳдаги хотини билан келишиб, қонуний никоҳдаги рафиқаси ва икки фарзандини катта Фарғона каналига тириклайин улоқтирган. Унинг бундай жиноятни қилишига 22 миллион сўм алимент пули сабаб бўлган. Сувга улоқтирилган аёлнинг сумкасидаги қўл телефонини олиб, "эр-хотин" уни тўрт юз минг сўмга пуллаб юборишган. Эркакнинг олдида бўлган шаръий никоҳдаги аёли ҳам мазкур жиноят ҳақида ҳеч кимга лом-мим демаган. Яқинда уларга суд ҳукми ўқилиб, "эр" 19 йилга, "хотини" эса 13 йилу 2 ойга озодликдан маҳрум этилди.