«Замин»ни Telegram’да ўқинг! Join!
Zamin.uz
, 11 2019, 20:07
ЎЗO‘Z

Ўзбекистонликлар учун Умра мавсуми бошланди

15 ноя, 14:16 549 Жамият
Ўзбекистонликлар учун Умра мавсуми бошланди
Кеча, 14 ноябрь куни ўзбекистонлик зиёратчиларнинг 230 нафардан иборат дастлабки (5 нафар ишчи гуруҳи, 1 нафар шифокор) гуруҳи Саудия Арабистонига Умра амалларини бажариш учун жўнаб кетди. Бу ҳақда Дин ишлари бўйича қўмита матбуот хизмати маълум қилди.

Хабарда айтилишича, бу йилдан Умрага рейслар ҳафтада етти марта амалга оширилиши белгиланган бўлиб, зиёратчилар Мадина шаҳрида 3 кун, Маккада эса 7 кун бўладилар.

Зиёратчиларни Саудия Арабистонида кутиб олиш, кузатиш ва уларга шарт-шароитлар яратиш ишлари Дин ишлари бўйича қўмита ва Ўзбекистон мусулмонлари идораси ходимларидан ташкил топган ишчи гуруҳи ҳамда Ўзбекистон Республикасининг Жидда шаҳридаги Бош консулхонаси “Ҳаж” ва “Умра” масалалари бўйича атташеси ҳамкорлигида ташкил этилади.

Ўзбекистонлик зиёратчилар истиқомат қилишлари учун Мадина шаҳрида “Масжиди Набавий” билан чегарадош бўлган “Пулман зам-зам”, Макка шаҳрида эса “Харам масжиди”дан 600-700 метр узоқликда жойлашган “Аброж ал-Кисва” меҳмонхоналари хизмат кўрсатади.
Меҳмонхоналар 4-5 юлдузли бўлиб, зиёратчиларимиз ҳордиқ чиқаришлари ва ибодатларни эмин-эркин бажаришлари учун барча шароитлар муҳайё қилинган.

Ўзбекистонлик зиёратчилар Мадина шаҳрида 3 кеча - 4 кундуз бўлиб, бу ердаги муқаддас қадамжоларни зиёрат қилганларидан сўнг Макка шаҳрига йўл оладилар. Мадина ва Макка шаҳарларидаги меҳмонхоналарда зиёратчилар учун ўзбек миллий таомлари (суюқ ва қуюқ), сарҳил мевалар, турли ичимликлар ва ширинликлар тортиқ қилинади.

Меҳмонхоналарда зарур дори-дармон ва жиҳозлар билан таъминланган тиббиёт пунктлари 24 соат давомида зиёратчиларимиз соғлиқларини назорат қилиш ҳамда биринчи тез тиббий ёрдам кўрсатиш мақсадида фаолият юритади.
Зиёратчиларимиз Мадина ва Макка шаҳарларидаги барча Умра амалларни бажариб бўлганларидан сўнг мамлакатимизга қайтиб келадилар.

Эслатиб ўтамиз, куни кеча Дин ишлари бўйича қўмита Умрадан иқтисодий фойда кўрмаслигини айтиб, ижтимоий тармоқларда қатор сайёҳлик фирмалари томонидан Умра зиёратини ташкил қилиш бўйича турли рекламалар кўпайиб бораётганини танқид қилган эди.

“Замин” янгиликларини “Telegram”да кузатиб боринг
Мавзуга оид янгиликлар
  • Умра сафари бўйича брифинг бўлиб ўтди 08 окт, 21:16
  • Умра-2017 Рамазон мавсуми бошланди. Бугун зиёратчиларнинг дастлабки гуруҳи Саудия Арабистонига учиб кетди 13 июн, 14:59
  • “Умра-2017” баҳор мавсуми ниҳоясига етди 17 апр, 20:07
  • 20 февралдан “Умра-2017” зиёратчиларини кузатиш старт олади 09 фев, 20:50
  • Ўзбекистонлик зиёратчиларнинг дастлабки гуруҳи Саудия Арабистонига учиб кетди 24 авг, 17:31
  • Сўнгги янгиликлар
  • Душманга ҳам раво кўрмаймиз бундай жойларда жазо муддатини ўташни - Артикова 11 дек, 19:43 137
  • Тадқиқот: ёши катта тадбиркор – муваффақиятли компания дегани 11 дек, 19:18 113
  • "Эл-класико" яна қолдирилиши мумкин 11 дек, 18:54 267
  • Хитойлик мигрант АҚШга кир ювиш машинаси ичида киришга уринди 11 дек, 18:32 227
  • «Бунёдкор» футболчиси Озарбайжон клуби билан 1,5 йиллик шартнома имзолади 11 дек, 18:11 285
  • Чехиядаги отишма: Острава касалхонасида беш киши ўлдирилди 11 дек, 17:47 311
  • Қорақалпоғистонда саксовул ўғрилари экология ва ИИБ ходимларига ҳужум қилди 11 дек, 17:25 562
  • Президент Фармони асосида 575 нафар шахс афв этилди 11 дек, 17:02 399
  • Минскда Ўзбекистон фуқаросининг пулини ўмарган 21 ёшли қиз қўлга олинди 11 дек, 16:42 512
  • Вазирлар Маҳкамасининг ваколатлари аниқ белгиланди 11 дек, 16:19 280
  • Бўлимлар