«Замин»ни Telegram’да ўқинг! Join!
Zamin.uz
, 14 2019, 04:54
ЎЗO‘Z

Қандай ҳолларда ҳайдовчига бошқа машинани қувиб ўтиш тақиқланади?

09 ноя, 10:20 833 Жамият
Қандай ҳолларда ҳайдовчига бошқа машинани қувиб ўтиш тақиқланади?
Тошкент шаҳар ИИББ йўл ҳаракати қоидалари бўйича навбатдаги эслатма билан чиқди. Унда қувиб ўтиш ҳақида сўз юритилган.

Қайд этилишича, ҳайдовчи қувиб ўтишни бошлашдан олдин:
- ўзи ўтмоқчи бўлган ҳаракатланиш бўлаги қувиб ўтиш учун етарлича масофада бўш эканлигига, қувиб ўтиш жараёнида ҳаракатланишга хавф туғдирмаслигига ва бошқа ҳаракат қатнашчиларига халақит бермаслигига;
- шу бўлакда орқада ҳаракатланаётган транспорт воситаси қувиб ўтишни бошламаганлигига;
- олдинда ҳаракатланаётган транспорт воситаси қувиб ўтиш, чапга бурилиш (қайта тизилиш) ишорасини бермаётганлигига;
- қувиб ўтишни тугаллаётганда қувиб ўтилаётган транспорт воситасига халақит бермасдан илгари эгаллаган бўлакка қайтиб ўта олишига ишонч ҳосил қилиши шарт.

Рельссиз транспорт воситаларини фақат чап томондан қувиб ўтишга рухсат берилади. Бироқ чапга бурилиш ишорасини бериб, бурилишга киришган транспорт воситасини қувиб ўтиш ўнг томондан амалга оширилади.
Қувиб ўтилаётган транспорт воситасининг ҳайдовчисига ҳаракат тезлигини ошириш ёки бошқа хатти-ҳаракатлар билан қувиб ўтишга тўсқинлик қилиш тақиқланади.

Қувиб ўтишни тугаллагандан сўнг ҳайдовчи илгари эгаллаган ҳаракатланиш бўлагига қайтиши шарт (ўнг томондан рухсат этилган қувиб ўтишдан ташқари).

Бироқ ушбу йўналишда ҳаракатланиш учун икки ёки ундан ортиқ бўлак бўлса, ушбу Қоидаларнинг 67-бандини ҳисобга олган ҳолда, қувиб ўтаётган ҳайдовчи ўзи эгаллаган бўлакка қайтгани заҳоти кейинги қувиб ўтишни бошлашига тўғри келадиган ҳолларда, агар у орқада ўзидан катта тезликда ҳаракатланаётган транспорт воситаларига халақит бермаса, эгаллаган бўлагида ҳаракатланишни давом эттириши мумкин.

Қувиб ўтиш қуйидаги ҳолларда тақиқланади:
- тартибга солинган чорраҳаларда қарама-қарши ҳаракатланиш бўлагига чиқиб;
- тартибга солинмайдиган чорраҳаларда асосий ҳисобланмайдиган йўлларда ҳаракатланишда (айланма ҳаракатланишли чорраҳаларда қувиб ўтиш, кажавасиз икки ғилдиракли транспорт воситаларини қувиб ўтиш ва рухсат этилган ҳолларда ўнг томондан қувиб ўтиш бундан мустасно);
- пиёдалар ўтиш жойларида пиёдалар бўлганда;
- темир йўл кесишмаларида ва уларгача 100 метрдан кам масофа қолганда;
- қувиб ёки айланиб ўтаётган транспорт воситаларини;
- тепаликнинг охирида ва йўлнинг кўриниши чекланган жойларида қарама-қарши ҳаракатланиш йўналишига чиқиб;
- 3.20 ва 3.22 йўл белгилари таъсири доирасида.

Аҳоли пунктларидан ташқаридаги йўлларда секин ҳаракатланадиган ёки катта ҳажмли транспорт воситасини қувиб ўтиш қийин бўлган ҳолларда унинг ҳайдовчиси ушбу транспорт воситасини иложи борича йўлнинг ўнг томонига олиши, зарур бўлганда эса орқасида тўпланиб қолган транспорт воситаларини ўтказиб юбориш учун тўхташи керак.

“Замин” янгиликларини “Telegram”да кузатиб боринг
Мавзуга оид янгиликлар
  • Путинни Кремлдан «қувиб чиқармоқчи» бўлган шомон қўлга олинди 20 сен, 21:48
  • Билл Гейтс дунёнинг энг бой кишилари рейтингида Louis Vuitton эгасини қувиб ўтди 28 июл, 22:12
  • Путинни «қувиб юбориш»га бел боғлаган шаман Читада митинг ўтказиб, Москвага йўл олди 14 июл, 19:20
  • Йўловчига нималар қилиш тақиқланади? 04 июл, 15:18
  • Пенсионерни тунамоқчи бўлган ўғрини собиқ футболчи қувиб етди 12 май, 14:22
  • Сўнгги янгиликлар
  • Ёқтирган мевангизни танланг ва ўзингиз ҳақингиздаги маълумотга эга бўлинг 14 ноя, 00:17 267
  • Ислом Аҳмедовдан терма жамоамизга оид фикр ва мулоҳазалар 13 ноя, 23:55 211
  • Мадам Бовари синдроми нима? Унинг қандай аломатлари бор? 13 ноя, 23:30 232
  • 8 ёшли мексикалик қиз қуёш сув иситгичини ихтиро қилгани учун Ядро илми мукофотига сазовор бўлди 13 ноя, 23:06 271
  • Ўзбекистондан «яккашох» чиқадими? 13 ноя, 22:43 650
  • "Талабалар олаётган стипендия хаттоки картошка сотиб олишга ҳам етмайди"- ЎзХДП 13 ноя, 22:20 414
  • 2019 йилнинг энг чиройли арчалари қаерда ясатилган эди? 13 ноя, 21:56 251
  • «Ўргимчак-одам» Ален Робер Париждаги 152 метрлик бинони забт эта олмади 13 ноя, 21:32 268
  • Кундузги уйқунинг зарарли томонлари маълум қилинди 13 ноя, 21:04 557
  • «Айтсам – ўлдирурлар, айтмасам – ўлам...» ёхуд Карим Баҳриев 20 йил аввал нима деганди? 13 ноя, 20:36 1 183
  • Бўлимлар