«Замин»ни Telegram’да ўқинг! Join!
Zamin.uz
, 29 2024, 00:36
ЎЗO‘Z

Қарши туман ҳокимлиги тан олди, ўқувчиларга ҳақиқатан асфалтда дарс ўтилган

14 окт, 09:10 3 472 Жамият
«Замин»ни Telegram’да ўқинг!
Қарши туман ҳокимлиги тан олди, ўқувчиларга ҳақиқатан асфалтда дарс ўтилган Фото: Facebook / «Potrebitel.uz»
Қарши туманидаги 6-мактабда ўқувчиларнинг дарс машғулотлари асфалт устида ўтказилганлиги тўғрисида хабар берилган эди, бироқ туман халқ таълими бўлими бу хабарларни рад этаётган эди. Қашқадарё вилоят халқ таълими бошқармаси ва Қарши тумани ҳокимлиги ушбу ҳолатни ўрганиб чиқди ва дарс ҳақиқатан ҳам асфалт устида ўтказилганини тасдиқлади.

Аниқланишича, мактабнинг 6-«Г» синфининг биринчи гуруҳига инглиз тили фанини ўқитувчи Дилафрўз Ҳасанова ўтса, иккинчи гуруҳга Мафтуна Зарипова дарс беради. Синфда ўқувчилар сони 32 нафарни ташкил этади.

Асфалт устидаги дарс машғулоти 10 октябрь куни Дилафрўз Ҳасанова раҳбарлигида ўтказилган. Ўқитувчи ушбу ҳаракатини ўша куни ўтилган мавзу табиат билан боғлиқлиги ва ўқувчиларга табиатни жонли тарзда кўрсатишни мақсад қилгани билан изоҳлаган.

Мавзу табиат манзараларига оид бўлганлиги боис, ўқитувчи дарс машғулоти тугашига 10 дақиқа қолганида ўқувчиларни мактаб ҳовлисига олиб чиққан ва мавзуга доир маълумотларни ўқувчиларга шу ерда тушунтиришга ҳаракат қилган.

Инглиз тили фани метод бирлашма раҳбари Д.Эркаева эса дарс машғулотини ўқитувчи Нодира Қўзибоеванинг телефони орқали видеога олган. Д.Эркаеванинг айтишича, у шунчаки тасвирга олган ва видеолавҳа бундай тарқалиб кетишини билмаганлигидан афсусланмоқда.

Бундай ҳолатнинг ижтимоий тармоқларда тарқалиб кетганлигидан ўқитувчи Дилафрўз Ҳасанова ҳам афсусда эканлигини билдирган.

Вилоят халқ таълими бошқармаси бошлиғи ўринбосари Бекзод Маматқуловнинг айтишича, мактаб қуввати 1060 ўринли бўлиб, айни пайтда мазкур таълим даргоҳида 1884 нафар ўқувчи таҳсил олади. Унда 141 нафар ўқитувчи фаолият кўрсатади. Мактаб учун 2018 йил 420 ўринли қўшимча бино қурилиб барча жиҳозлар, парта ва стуллар билан таъминланган. Мактабда синф сони 60 та. Дарслар 2 навбатда ўқитилади.

Қарши туман ҳокимлиги ахборот хизматининг қўшимча қилишича, мактабда ўқувчиларга жой етишмаслиги муаммоси йўқ. Мазкур ҳолат юзасидан ишчи гуруҳ томонидан мактаб жамоаси ва масъулларга тушунтириш берилган ва таълим-тарбия жараёнига янада эътиборли бўлишлари таъкидланган.

Аввалроқ Зарафшондаги 2-мактабда 4-синф ўқувчилари, Фарғонада эса 24-мактабда 1-синф ўқувчилари полда ўтиргани, Шўрчида эса Сурхондарё вилоят кўзи ожиз ва заиф кўрувчи болаларни ўқитишга ихтисослашган мактаб-интернатида ўқувчилар полда ётгани акс этган фотосуратлар тарқалган эди.




Мавзуга оид янгиликлар
  • Мирзиёев Хитойнинг Шинжон-Уйғур автоном райони халқ ҳукумати раиси билан учрашди 28 мар, 20:40 33
  • Қашқадарё вилоятида судья қўлга олинди 28 мар, 20:20 125
  • Жиззахда энергия ресурсларидан 7,5 миллиард қарздорликлар мажбурий ундирилди 28 мар, 19:31 29
  • Сурхондарёда ЙТҲда ҳайдовчи аёл ва унинг фарзандлари ҳалок бўлди 28 мар, 19:08 206
  • Коррупция даражаси ёмон ва яхши бўлган ташкилотлар эълон қилинди 28 мар, 18:23 79
  • Тошкентда қалбаки долларни сотишга уринган шахслар қўлга олинди 28 мар, 17:17 30
  • Сўнгги янгиликлар
  • Зеленский: “Агар снарядлар етарли бўлмаса, Украина Россия ҳужумини қайтара олмайди” 28 мар, 23:45 1
  • Мексикадаги матбуот анжуманида бутун жамоа иштирок этиб, мухлислардан узр сўради 28 мар, 23:27 5
  • Мижозларни 1,8 млрд долларга алдаган криптовалюта биржаси асосчиси 25 йилга қамалди 28 мар, 23:04 16
  • Футзал. Ўзбекистон иккинчи ўйинда Қирғиз Республикасини мағлуб этди 28 мар, 22:56 10
  • Суперлига. “Динамо” “Металлург” устидан иродали ғалабага эришди 28 мар, 22:51 19
  • Нима учун олимлар аёлларга вақти-вақти билан йиғлаб туришни тавсия қилади? 28 мар, 22:22 20
  • Кирилл Буданов: “Россия ўз ҳудудида теракт тайёрланаётганини камида бир ой олдин билган” 28 мар, 21:56 137
  • Якуни мавҳум бўлиб бораётган Украина уруши: тарихий башорат ва ечимлар 28 мар, 21:29 239
  • Жаҳон банки: Ўзбекистон иқтисодиётидаги гендер тенглик 700 минг одамни камбағалликдан олиб чиқиши мумкин 28 мар, 21:02 17
  • Мирзиёев Хитойнинг Шинжон-Уйғур автоном райони халқ ҳукумати раиси билан учрашди 28 мар, 20:40 33
  • Қашқадарё вилоятида судья қўлга олинди 28 мар, 20:20 125
  • «Толибон» Москвадаги теракт ташкилотчиларини йўқ қилишга ваъда берди 28 мар, 20:00 449
  • Бўлимлар