«Замин»ни Telegram’да ўқинг! Join!
Zamin.uz
, 19 2019, 03:36
ЎЗO‘Z

Қалбаки АҚШ долларини ҳақиқийсига алмаштиришнинг антиқа йўлини топган фирибгар

13 окт, 06:00 1 684 Жамият
Қалбаки АҚШ долларини ҳақиқийсига алмаштиришнинг антиқа йўлини топган фирибгар
Фирибгарлик йўли билан қалбаки 700 АҚШ долларини ҳақиқийсига алмаштириб, фуқарони чув туширган С.Исматов 5 йил 6 ой муддатга озодликдан маҳрум қилинди. Бу ҳақда Ўзбекистон Республикаси Олий суди катта консультанти Акрамжон Арипов маълум қилди.

Муқаддам уч марта судланган фуқаро С.Исматов қамоқдан чиққанида икки ой ҳам ўтмай, яна жиноятга қўл урди. У ўзининг жиноий шериклари билан қалбаки 700 АҚШ долларини ҳақиқийсига алмаштиришнинг антиқа йўлини топди.

Шерикларидан бири банкка кириб кимнинг қанча чет эл валютаси олиб кетаётганини аниқлайдиган ва иккинчиси унинг ортидан бориб, иккинчи эпизодни бажарадиган бўлишди.

Андижонлик З.Султонова ўғли билан Наманган шаҳридаги “Инфин банк”дан эридан келган 750 АҚШ долларини олишаркан, 50$ни бозор қилиш мақсадида сўм қилиб банкдан чиқишди. Улар “Сардоба” бозорига келиб бозорликларини қилиб чиқишгандики, машиналари олдида чиройли кийинган йигит қарши олди.

— Зулфия Султонова сизмисиз, опа?
— Ҳа мен...
— Минг бор узр опа, мен банк ходимиман. Озгина англашилмовчилик бўлибди, бошқага келган пулни ходимларимиз адашиб сизга бериб юборишибди, шунга...

Шу пайтда телефон жиринглайди-да гўё банкда шу бўйича тинтув бўлаётгандек “бошлиқ” ҳолатни суриштиради.
— Ҳа, ҳозир опани олдидамиз, мана...

Телефон З.Султоновага тутилади.
— Алло, мен ҳозиргина сиз пул олган банкнинг бошлиғиман, опа узр йигитлар хатоликка йўл қўйишибди. Пулингизни алиштириб беришади, бизни муаммодан чиқаринг, илтимос опа...

“Ҳа, бўпти-да, буям доллар, уям доллар. Иш бор жойда камчилик бўлади-да...” Аёлнинг калласига келган фикр шу бўлдию пулларни осонгина алишишди.

Фирибгарлар асл пулга, фуқаро қалбакисига эга бўлди. Орадан бироз муддат ўтиб 100 долларни сўм қилдириш мақсадида банкка келган З. Султоновага пулининг қалбаки эканлигини айтишади. Олиб борилган суриштирув, тезкор текшириш натижаларида юқоридаги ҳолат фош бўлади.

С.Исматов суд ҳукми билан 5 йил 6 ой муддатга озодликдан маҳрум қилинди.

“Замин” янгиликларини “Telegram”да кузатиб боринг
Мавзуга оид янгиликлар
  • АҚШ долларини қалбакилаштирган шахслар қўлга тушди 10 апр, 15:01
  • Кореяга ишга юбориш учун 12,5 минг доллар олган фирибгар қўлга олинди 30 июл, 09:28
  • Ўзини банк ходими деб таништирган фирибгарлар 16 июн, 23:53
  • Бекободда 50 минг сўмлик қалбаки пуллар ясаган «тадбиркорлар» қўлга тушди 25 фев, 00:05
  • Смоленсклик аёл эрига қалбаки ҳайдовчилик гувоҳномаси совға қилди 15 ноя, 15:12
  • Сўнгги янгиликлар
  • Бутунжаҳон "Сайёралар Конгресси" бўлиб ўтмоқда 19 окт, 01:00 110
  • Қосимов: "Абрамовнинг термага мураббий бўлгани "Бунёдкор"нинг ўйинига салбий таъсир қилдими?" 19 окт, 00:42 132
  • Вадим Абрамов: "Юта олмаётганимизга майдон айбдор эмас" 19 окт, 00:32 156
  • Фастфуд ишқибози бўлган келин тўйида товуқ оёқчаларидан махсус гулдаста тайёрлатди 19 окт, 00:30 121
  • Фарғона вилоятида Damas автомашинаси «Камаз»га бориб урилди (видео) 19 окт, 00:03 198
  • Тошкентда Lacetti минган аёл ЙПХ ходимларидан қочди (видео) 18 окт, 23:53 230
  • Навоийда Nexia портлаб кетиши оқибатида икки киши ҳалок бўлди 18 окт, 23:43 269
  • Диққат!!! Эътибордан четда қолдиришингиз керак бўлмаган саратоннинг 8 аломати 18 окт, 23:20 391
  • Назарбоев Лондонда жазога тортилди 18 окт, 22:53 488
  • Ёнида фуқаролик паспорти бўлмаган шахс қандай ҳолларда ички ишлар бўлимларига олиб кетилади? 18 окт, 22:27 516
  • Бўлимлар