Ўзбекистон Республикаси давлат мустақиллигининг 28 йиллигига бағишлаб ўтказилган Ватанни мадҳ этувчи қўшиқлар танлови – “Ягонасан, муқаддас Ватан!” Республика кўрик-танлови жорий йилда “Жонажон Ўзбекистоним, мангу бўл омон!” шиори остида ташкил этилган эди.Мазкур танловнинг якуний босқичи 2019 йил 10 август куни “Туркистон” санъат саройида ўтказилган бўлиб, унинг ғолиблари куни кеча Ўзбекистон Республикаси Маданият вазирлиги томонидан эълон қилинди.
Танлов натижаларига кўра, Ўзбекистон Республикаси Миллий гвардиясининг Алоҳида намунали кўргазмали ҳарбий оркестри мусиқачиси Шохбос Хабиев ўзининг “Замонавий армия” (А.Обиджон сўзи, Ш.Дадажонов мусиқаси) қўшиғини ижро этиб, фахрли иккинчи ўринни қўлга киритди.
Миллий гвардия ҳарбий хизматчисини юксак ютуқ билан муборакбод этамиз!
Нафосат Зафарова,
Ўзбекистон Республикаси Миллий гвардияси
Матбуот хизмати етакчи мутахассиси
Ўзбекистон Республикаси Миллий гвардияси
Матбуот хизмати етакчи мутахассиси