«Замин»ни Telegram’да ўқинг! Join!
Zamin.uz
, 29 2024, 13:58
ЎЗO‘Z

Тошкентда бир кунда 722 рақамли ўнлаб Range Rover’ларнинг «номер»лари мажбуран алмаштирилган

14 сен, 00:13 7 585 Жамият
«Замин»ни Telegram’да ўқинг!
Тошкентда бир кунда 722 рақамли ўнлаб Range Rover’ларнинг «номер»лари мажбуран алмаштирилган Ижтимоий тармоқларда 13 сентябрь, жума куни давлат рақам белгиси 722 сонидан иборат Range Rover йўлтанламаслари билан боғлиқ фото, видео ва овозли хабарлар пайдо бўлди. Тарқатилган медиа материалларда асосан Тошкентдаги тўй-маросимларда хизмат кўрсатувчи ушбу қимматбаҳо автомобилларнинг давлат рақам белгилари йўл ҳаракати хавфсизлиги идораларида бошқасига алмаштирилганини кўриш мумкин.

«Дарё» вазиятга аниқлик киритиш мақсадида Range Rover’ининг давлат рақам белгиси 722 дан бошқасига алмаштирилган ҳайдовчилар ва Тошкент шаҳар ИИББ матбуот хизмати билан боғланди.

Range Rover эгаларининг фикрлари
Иккита Range Rover’и бор фуқаронинг «Дарё»га маълум қилишича, унга 12 сентябрь, пайшанба куни соат 15:00 атрофида йўл ҳаракати хавфсизлиги идорасидан қўнғироқ бўлиб, 722 рақамли Range Rover иштирокида пиёдани уриб юбориш билан боғлиқ йўл-транспорт ҳодисаси юз бергани муносабати билан, бирровга идорага келиб кетиш сўралган.

Машинам ҳайдовчида эди. Мен: «Хўп, ҳайдовчим ишини битириб айтган жойингизга боради», дедим. Лекин у йўлда кетаётганида ЙПХ ходимлари уни тўхтатган — ўша пайтда 722 рақамли Range Rover’ларни ушлаш бўйича рейд бўлаётган экан. Ҳайдовчимнинг ҳайдовчилик гувоҳномаси ўзининг машинасида қолиб кетган экан — шунинг учун менинг Range Rover’имни жарима майдончасига олиб кириб қўйишган.

Иккинчи Range Rover’имни ҳам: «Тезда Сергелидаги йўл ҳаракати хавфсизлиги идорасига келинг, машинанинг рақамини алмаштирмасанглар бўлмайди», деб чақиришди. Нима сабабдан рақамни алмаштириш керак, деб сўрасак: «Сабаби йўқ, тепадан шундай буйруқ бўлди, номерни алмаштиришинглар шарт», дейишди. Мен 20:30 га етиб бордим. Боришимга ҳамма ҳужжатларни тайёрлаб қўйишган экан. Имзо қўйиб бердим. Машинанинг рақамини ечиб олиб, бошқасини беришди ва яна 540 минг сўм пул тўлашим кераклигини айтишди.

«Пул тўламайман», десам, рақамни алмаштиряпсиз-ку, тўлашингиз керак, деб мажбуран тўлаттиришди. Биринчи Range Rover’им эса жарима майдончасида турибди. Қачон қўйиб юборишларини билмайман. Айтишларича, машинам назоратга тушганмиш.

«Дарё» билан суҳбатлашган бошқа бир Range Rover эгасининг айтишича, бир кечада 64 та 722 рақамли Range Rover’нинг «номер»лари алмаштирилган.

Кеча шаҳар йўл ҳаракати хавфсизлиги идорасидан қўнғироқ қилиб, машинамни тезда олиб бориб, текширтиришим кераклигини айтишди. Ҳозир ишдалигимни, кечроқ ўтишимни айтганимда, жараён кўп вақт олмаслигини, беш дақиқада қўйиб юборишларини айтишди. Майли, деб Чорсудаги автотураргоҳга чақирсам, 4—5 нафар ЙПХ ходими келиб, «ГАИга борасанлар, ўша ерда расмга олиб, кейин қўйиб юборади», дейишди ва «тех-паспорт»имни олиб қўйишди. Борганимдан кейин эса мажбуран 540 минг сўм тўлатиб, рақамимни ечиб олишди ва шундан сўнг «тех-паспорт»имни қайтариб беришди.

Мен машинам гаровда турганини, банк рухсатисиз унинг рақамини ечиб бўлмаслигини айтдим. Лекин ЙПХ ходимлари: «Тепадан шунақа буйруқ келган», деб тураверишди. Банк билан боғлансам, улар: «ЙПХга айтинг, рухсатимизсиз ҳеч нарса қилмаслиги керак», дейишди. Сабабини тушунтиришмади. Банк ходимлари ҳам ЙПХга қўнғироқ қилганида ҳам айтишмади сабабини. Кеча мен каби 64 та Range Rover’нинг рақамини алмаштиришган, ҳаммани 540 минг сўмдан пул тўлашга мажбур қилишган. Уларнинг кўпини 722 рақамли Range Rover одам уриб юборган деб чақириб олиб, сўнг рақамларини алмаштиришган.

Тошкент шаҳар ИИББ нима дейди?
Ҳозирча — ҳеч нима. «Дарё» таҳририяти 13 сентябрь куни куннинг иккинчи ярмида пойтахт ИИББ матбуот хизмати билан бир неча бор боғланиб, ҳолат юзасидан изоҳ олишга уринди, бироқ «расмий хабарни кутинг», деган жавобдан ортиқ маълумот ололмади. ИИВ Йўл ҳаракати хавфсизлиги бош бошқармаси матбуот хизмати вакили эса 722 рақамли Range Rover’лар боғлиқ ҳолатдан бехабарлигини билдирди.






Мавзуга оид янгиликлар
  • Тошкентда хавфли ҳолат содир этиб, қарама-қарши ҳаракатланган ҳайдовчига чора кўрилди 29 мар, 13:30 0
  • Сирдарёда эгизакларини бир хонали уйга алмаштирмоқчи бўлган ота-онага ҳукм ўқилди 29 мар, 09:36 50
  • Ўзганинг фотосуратлари устига ҳақоратли сўзлар ёзиб, ижтимоий тармоқда тарқатган аёл ушланди 29 мар, 08:48 83
  • Мирзиёев Хитойнинг Шинжон-Уйғур автоном райони халқ ҳукумати раиси билан учрашди 28 мар, 20:40 102
  • Қашқадарё вилоятида судья қўлга олинди 28 мар, 20:20 217
  • Жиззахда энергия ресурсларидан 7,5 миллиард қарздорликлар мажбурий ундирилди 28 мар, 19:31 55
  • Сўнгги янгиликлар
  • Полшада Россия жосуслик тармоғи иши бўйича тинтувлар ўтказилди 29 мар, 12:39 0
  • Samsung ўз тарихидаги энг яхши селфи камерали смартфонни намойиш этди 29 мар, 12:12 1
  • Вадим Абрамов: "Бундай сифатли ва савияли футболчига доим таркибда жой топилади" 29 мар, 11:50 5
  • Чехия европалик сиёсатчиларни Россиядан пора олиш схемасини фош этганини даъво қилмоқда 29 мар, 11:20 22
  • Шомуродовнинг аҳволи ҳақида маълумот берилди 29 мар, 10:53 107
  • Сўровнома: Нурсултон Рўзибоев 1-раунддаёқ рақибини "ухлатиб" қўяди 29 мар, 10:25 49
  • Роналдунинг либосини кийган таниқли блогер Мессига алоқадор ресторандан ҳайдаб юборилди 29 мар, 10:02 85
  • Сирдарёда эгизакларини бир хонали уйга алмаштирмоқчи бўлган ота-онага ҳукм ўқилди 29 мар, 09:36 50
  • Қозоғистоннинг бир қанча ҳудудлари тошқинлар туфайли сув остида қолди 29 мар, 09:08 90
  • Ўзганинг фотосуратлари устига ҳақоратли сўзлар ёзиб, ижтимоий тармоқда тарқатган аёл ушланди 29 мар, 08:48 83
  • Шоҳжаҳон Эргашев панамалик боксчини биринчи раунддаёқ нокаутга учратди (видео) 29 мар, 08:35 183
  • Оқ уй Украинанинг «Крокус» терактига алоқадорлиги ҳақидаги баёнотларни «тарғибот» деб атади 29 мар, 08:08 94
  • Бўлимлар