2018 йил баҳорини Ўзбекистон ва Тожикистон муносабатларида ижобий ўзгаришлар даври бўлди дейиш мумкин. Икки мамлакат журналистлари ушбу сананинг бир йиллигига бағишлаб мультимедиа шаклида мақола тайёрлашди.Ўзбекистон ва Тожикистон журналистлари ҳамкорликда тайёрлаган илк лонгридда йил давомида сиёсий, иқтисодий, ижтимоий, савдо-сотиқ, туризм ва бошқа йўналишларда эришилган натижалар факт ва рақамлар, фото ва видеоматериаллар ёрдамида акс эттирилган бўлиб, бундан ташқари икки давлат экспертларининг фикр-мулоҳазалари ҳам баён қилинган. Шунингдек, ушбу алоқаларни янада чуқурлаштириш юзасидан таклифлар ҳам баён этилган.