Ижтимоий тармоқларда Олий таълим муассасасининг ўқитувчиси талабаларни «казёл», «казёл» дея ҳақоратлаб, ураётгани акс этган видео тарқалди. Видео остида эса, ушбу ҳодиса Бухоро вилоятидаги Олий ўқув юртида содир бўлгани, талабаларни калтаклаётган ўқитувчи олий математика фанидан дарс бериши, ўқитувчининг бундай ҳаракатига сабаб, талабаларнинг дарсга бўйинбоғ тақмай келгани тўғрисидаги изоҳ қолдирилган. Видеони аудиторияда ўтирган талабалардан бири ўқитувчидан яширинча тасвирга олган.