10-11 ноябрь кунлари Андижон вилояти ҳокимлиги мутасаддилари ҳудудларда терилмай қолган пахта далаларида йиғим-теримда иштирок этди. Вилоят ҳокими Шуҳратбек Абдураҳмонов туш пайтига қадар 22 кг пахта терди. Вилоят ҳокимининг ўринбосари, хотин-қизлар қўмитаси раиси Манзурахон Юнусова 27 кг пахта топширди.Мутасаддилар тушликда теримчиларнинг муаммо ва таклифларини ўрганди.
Об-ҳавонинг кескин пасайиши натижасида пахта йиғим-терими суръати тушгани сабабли шанба-якшанба вилоятда пахта йиғим-терими умумхалқ ҳашари кунлари деб эълон қилинган.
Ҳозир вилоят 220 минг тонна пахта билан 90 фоиздан ортиқ натижа кўрсатиб, республикада 3-ўринда бормоқда.