«Замин»ни Telegram’да ўқинг! Join!
Zamin.uz
, 22 2019, 11:33
ЎЗO‘Z

Халқаро мусобақада Ўзбекистон Мудофаа вазирлиги ҳарбийлари 2-ўринни қўлга киритди

06 окт, 12:55 1 835 Жамият
Халқаро мусобақада Ўзбекистон Мудофаа вазирлиги ҳарбийлари 2-ўринни қўлга киритди
Россия Федерациясида Мустақил Давлатлар Ҳамдўстлигига аъзо мамлакатларнинг дўстона армиялари ўртасида тоғ уч кураши бўйича мусобақа ўтказилди. 3 кун давом этган баҳсларда Ўзбекистон жамоаси муносиб иштирок этиб, умумжамоа ҳисобида 2-ўринни қўлга киритди. Бу ҳақда Мудофаа вазирлиги матбуот хизмати хабар берди.

5 октябрь куни эрта тонгда Тошкент халқаро аэропортида иштирокчиларни тантанали кутиб олиш маросими бўлиб ўтди.

Мусобақа Россия Федерацияси Мудофаа вазирлиги тоғ тайёргарлиги ва яшовчанлик маркази базасида – Европа қитъасининг энг баланд нуқтаси – Эльбрус чўққиси ёнбағирларида ташкил этилди. Якка ва жамоавий тартибда тошли қояга чиқиш, тоғ тўсиқлари йўлагидан ошиб ўтиш ва жанговар ҳолатда 5 километр масофага марш югуриб, ўқотар қуроллардан отиш каби махсус мураккаб шартлардан иборат.

Ўзбекистонлик шартнома бўйича ҳарбий хизматчи оддий аскар Рамазон Мамадиев биринчи имкониятдаёқ барча нишонларни йўқ қилди ва 26 дақиқаю 26 сонияли кўрсаткич қайд этиб, 5 км масофага марш югуришда кучли учликдан жой олди.

Яна бир ҳамюртимиз тоғ тўсиқлари йўлагидан ўтишда тенгсиз эканини намойиш этди. У мазкур тўсиқли йўлакни 6 дақиқаю 54,8 сонияда ўтиб, 3 та гранатани аниқ нишон габаритига улоқтиришга эришди.

Умумий натижаларга кўра, ўзбекистонлик ҳарбийлар 1-машқ бўйича 2-ўрин, 2-машқ бўйича 1-ўрин ва 3-машқ бўйича дурранг натижа кўрсатиб, очколар ҳисоби бўйича 2-ўринни эгаллади. Биринчи ўринни Россия Федерацияси ва учинчи ўринни Қозоғистон Республикаси вакиллари эгаллади.

– Ўзбекистон жамоаси ушбу беллашувга жиддий ҳозирлик кўриб, жамоа таркибидаги тўрт нафар иштирокчи Бўстонлиқ туманидаги Чимён тоғ бағирларида малакали мутахассислар кўмагида машғулотлар олиб борган эди, – дейди жамоа мураббийи майор Дилшод Ҳудойберганов.

Маълумот учун, жорий йилнинг апрель ойидан сентябрь ойига қадар МДҲга аъзо давлатлар дўстона армиялари доирасида ҳарбий-амалий спортнинг 7 та тури бўйича мусобақалар ўтказилди. Сентябрь ойида ўтказилган “Армия қўл жанги” йўналиши бўйича чемпионат биринчи маротаба Тошкентда ўтказилди ва унда ўзбекистонлик ҳарбий спортчилар умумжамоа ҳисобида биринчи ўринни қўлга киритган эди. Шунингдек, “Командирлик стартлари” ва “Спорт ориентирланиши” Россия Федерациясида, “Кўп кураш ҳарбий спорт комплекси” июнь ойида Беларусь Республикасида, “Офицерлар уч кураши” ва “МП-3 ва КА-3 машқларида штатдаги ёки штатга илова қилинган жадвалдаги қуроллардан отиш” август ойида Қирғизистон Республикасида бўлиб ўтган эди. «Командирлик стартлари стартлари» ва «Кўп кураш ҳарбий спорт комплекси» мусобақаларида Ўзбекистон ҳарбийлари иккинчи ўринни эгаллагани ҳақида олдин хабар берилган.

“Замин” янгиликларини “Telegram”да кузатиб боринг
Мавзуга оид янгиликлар
  • Бутунжаҳон кўчманчи халқлар ўйинларининг иккинчи кунида 8та медаль қўлга киритилди 05 сен, 17:43
  • Ўзбекистон ҳарбийлари халқаро мусобақада рекорд ўрнатишди (видео) 04 июл, 07:23
  • Шавкат Мирзиёев бугун дунё бўйича 2-ўринни олган разведкачилар билан учрашди (видео) 17 фев, 23:05
  • АРМИ-2017: “Хавфсиз йўналиш” танловида Ўзбекистон жамоаси бронза медалини қўлга киритди 07 авг, 15:38
  • Ўзбекистонлик ўқувчилар тарихда илк марта математика мусобақасида олтин медалларни қўлга киритди 01 авг, 07:36
  • Сўнгги янгиликлар
  • Шавкат Мирзиёев: «Ўзбек тилининг латофати ва жозибасини ҳис қилмоқчи бўлганлар ўлмас мақомларимизни эшитсин» (видео) 22 окт, 11:09 19
  • Жиззахда ов қуролидан фойдаланган ҳолда одам ҳаётига суиқасд қилинди 22 окт, 10:53 91
  • Ҳайдовчи фоторадарга тушганда баённома тузишни бекор қилиш таклиф этилмоқда 22 окт, 10:48 114
  • Ўзбекистон ҳарбийлари Англияда ўтказилган халқаро танловда 1-ўринни қўлга киритди (фото) 22 окт, 10:30 99
  • Чехия контрразведкаси Россия жосуслик тармоғини фош этганини маълум қилди 22 окт, 10:03 181
  • Президент ўзбек тили тарғиботи ҳақида: «Интернет имкониятларидан тўлиқ фойдаланиш керак» 22 окт, 09:37 95
  • Украинада 218 прокурор ишдан бўшатиладиган бўлди 22 окт, 09:13 191
  • Байрутдаги намойишчилар ҳукумат истеъфосини талаб қилмоқда 22 окт, 08:50 133
  • 71 ёшли раққоса ёш йигит билан рақсга тушиб барчани лол қолдирди (видео) 22 окт, 08:16 890
  • Ўзбекистонда 1 ноябрдан бошлаб нималар ўзгаради? 22 окт, 07:43 1 107
  • Бўлимлар