«Замин»ни Telegram’да ўқинг! Join!
Zamin.uz
, 29 2024, 00:49
ЎЗO‘Z

Тинтув вақтида Самарқанд вилоят собиқ ҳокимининг темир сандиғида 1 миллион доллар нақд пул борлиги аниқланди…

20 июл, 17:56 24 669 Жамият
«Замин»ни Telegram’да ўқинг!
Тинтув вақтида Самарқанд вилоят собиқ ҳокимининг темир сандиғида 1 миллион доллар нақд пул борлиги аниқланди… Самарқанд вилояти собиқ ҳокими Туроб Жўраев қўлга олингач, беш кун ичида яна 28 та қурилиш компаниялари раҳбарлари ҳам қамоққа олинди. Ҳозир улар терговга жалб этилган. Ўнлаб қурилиш компаниялари раҳбарлари ими-жимида мамлакатдан чиқиб кетган.

Айни вақтда Самарқанд вилоятида давлат хавфсизлик хизмати раҳбари Ихтиёр Абдуллаев, ички ишлар вазири Пўлат Бобожонов ҳамда бош прокурор Отабек Муродовлар назорати остида учта гуруҳ иш олиб бормоқда. Самарқанд вилояти собиқ ҳокими Туроб Жўраевга пора берган жами 28 та қурилиш компаниялари етакчилари сўроқ қилинмоқда. Шубҳасиз, пора вилоят ҳудудида, шаҳар ичкарисида кўп қаватли уйлар қуриш учун ер ажратиб бериш ёки ажратилган ердан фойдаланишга рухсат бериши учун тақдим этилган. Туроб Жўраевнинг собиқ капитал қурилиш ишлари бўйича собиқ ўринбосари Ўткир Абдуллаевга нисбатан бироз енгиллик яратилди. У терговга ўз уйидан қатнамоқда. Аммо ишга чиққани йўқ.

— Уларнинг дастидан Самарқанддаги энг ноёб тарихий обидалар йўқ қилиниш палласига келиб қолганди, — деди ҳуқуқни муҳофаза қилиш ташкилоти ходимларидан бири. — Бу собиқ ҳокимни умуман қизиқтирмасди. Ахир, сайёҳлар кўп қаватли замонавий уйларни эмас, ўша тарихий обидаларни томоша қилиш учун Самарқандга ташриф буюради-ку!..

Самарқанд вилоятидаги ҳуқуқни муҳофаза қилиш ташкилоти вакили айтдики, текширувлар натижасида 3 минг 458 та «қуруқ» компаниялар борлиги аниқланди. «Қуруқ» дейилишининг маъниси шундаки, бу компаниялар фақат қоғозда бор, уларнинг банкларда ҳисоб рақамлари ҳам йўқ. Барчалари қурилиш компаниялари ҳисобланиб, фақат ҳаром пул топиш учун вилоят раҳбарларининг корига яраган. Ҳозирда ўша қурилиш компанияларининг ўнлаб раҳбарлари гўёки дам олиш учун Туркия, Россия, Испания, Чехия давлатларига жўнаб кетган. Улар қайтмайди. Сабаби, қилиб қўйган ҳаром ишлари ошкор бўлганини жуда яхши билади.

Туроб Жўраев компаниялар раҳбарларидан пора ундирганларини тан олди…

Туроб Жўраевнинг қариндошларидан бири айтдики, собиқ вилоят ҳокими қандли диабет ва нафас йўллари хасталикларидан азобланмоқда. У тергов изоляторида жуда оғир шароитларда сақланмоқда ва тергов қилинмоқда.

Шу ўринда бир гапни айтгиси келади одамнинг. Темир сандиқдаги ўша 1 миллион доллар пул ҳалол бўлса, собиқ ҳоким хасталикка йўлиқмасди, ҳуқуқни муҳофаза қилиш ташкилотлари вакиллари, кенг жамоатчилик уни порахўрликда ва бошқа айблар билан айбламасди. Ҳаром, барибир ҳаром-да! У бир кунмас бир кун барибир тешиб чиқади. Тарихда машҳур бир саркарда подшоҳлардан бири айтганки, нариги дунёга ҳеч ким тўплаган бойлиги уёқда қолсин, бир чимдим қумни ҳам кўтариб кета олмайди. Яратганнинг ҳузурига қуруқ қўл билан боради. Ишқилиб, худонинг бандаларини ҳаромхўрликдан асрасин!

Манба: Hordiq.uz




Мавзуга оид янгиликлар
  • Мирзиёев Хитойнинг Шинжон-Уйғур автоном райони халқ ҳукумати раиси билан учрашди 28 мар, 20:40 33
  • Қашқадарё вилоятида судья қўлга олинди 28 мар, 20:20 125
  • Жиззахда энергия ресурсларидан 7,5 миллиард қарздорликлар мажбурий ундирилди 28 мар, 19:31 29
  • Сурхондарёда ЙТҲда ҳайдовчи аёл ва унинг фарзандлари ҳалок бўлди 28 мар, 19:08 206
  • Коррупция даражаси ёмон ва яхши бўлган ташкилотлар эълон қилинди 28 мар, 18:23 79
  • Тошкентда қалбаки долларни сотишга уринган шахслар қўлга олинди 28 мар, 17:17 30
  • Сўнгги янгиликлар
  • Зеленский: “Агар снарядлар етарли бўлмаса, Украина Россия ҳужумини қайтара олмайди” 28 мар, 23:45 1
  • Мексикадаги матбуот анжуманида бутун жамоа иштирок этиб, мухлислардан узр сўради 28 мар, 23:27 5
  • Мижозларни 1,8 млрд долларга алдаган криптовалюта биржаси асосчиси 25 йилга қамалди 28 мар, 23:04 16
  • Футзал. Ўзбекистон иккинчи ўйинда Қирғиз Республикасини мағлуб этди 28 мар, 22:56 10
  • Суперлига. “Динамо” “Металлург” устидан иродали ғалабага эришди 28 мар, 22:51 19
  • Нима учун олимлар аёлларга вақти-вақти билан йиғлаб туришни тавсия қилади? 28 мар, 22:22 20
  • Кирилл Буданов: “Россия ўз ҳудудида теракт тайёрланаётганини камида бир ой олдин билган” 28 мар, 21:56 137
  • Якуни мавҳум бўлиб бораётган Украина уруши: тарихий башорат ва ечимлар 28 мар, 21:29 239
  • Жаҳон банки: Ўзбекистон иқтисодиётидаги гендер тенглик 700 минг одамни камбағалликдан олиб чиқиши мумкин 28 мар, 21:02 17
  • Мирзиёев Хитойнинг Шинжон-Уйғур автоном райони халқ ҳукумати раиси билан учрашди 28 мар, 20:40 33
  • Қашқадарё вилоятида судья қўлга олинди 28 мар, 20:20 125
  • «Толибон» Москвадаги теракт ташкилотчиларини йўқ қилишга ваъда берди 28 мар, 20:00 449
  • Бўлимлар