Ўзбекистонда 21 декабрь, якшанба куни Олий Мажлис Қонунчилик палатаси ҳамда халқ депутатлари вилоят, туман ва шаҳар Кенгашларига сайловлар бўлиб ўтмоқда, дея хабар бермоқда ЎзА.
Ўзбекистон Президенти Ислом Каримов 21 декабрь куни овоз бериш учун Олий Мажлис Қонунчилик палатаси ҳамда Тошкент шаҳар Кенгашига сайлов ўтказувчи 644-сайлов участкасига ташриф буюрди.
Маълумот учун, сайлов участкалари 6:00да очилган бўлиб, 10:00гача сайловчилар рўйхатига киритилган 20 миллион 789 минг 572 сайловчининг 34 фоиздан ортиғи овоз беришда иштирок этиб бўлганди.