Расмий хабарларга кўра, Андижон вилоятининг Шаҳрихон туманида яшовчи 55 ёшли Зулхумор Рустамова туман тиббиёт бирлашмаси кадрлар бўлимида фаолият юритган. Яқинда давлат қонунларига кўра, Зулхумор опани пенсияга кузатиб қўйишган.Эслатиб ўтамиз, Ўзбекистонда аёллар 55, эркаклар 60 ёшга етгач, пенсияга чиқади.
Аммо Зулхумор опа бирлашма директори ҳузурига кириб, пенсияга чиқиш нияти йўқлигини баён қилган. Ўз ўрнида директор ходиманинг рад жавобини ҳисобга олмаган ва буйруққа имзо чеккан. Зулхумор Рустамова уйига келган-у, эртаси куни ўзини осиб қўйган. Ҳозирги пайтда ушбу факт юзасидан жиноий иш қўзғатилган. Бу иш билан Шаҳрихон туман прокуратураси терговчилари шуғулланмоқда.
— Зулхуморни мажбурий тарзда пенсияга чиқаришган, — дейди марҳуманинг қариндошларидан бири. — У ўз ишини жуда севарди. Илтимосларини ҳисобга олишганда, шу фожиа юз бермасди…
Манба: hordiq.uz