Энди маҳаллий йўналишлардаги поезд ҳамда самолётларда миллий ва жаҳон адабиётининг энг сара намуналари асосида тайёрланган радиоинсценировкалар ва аудиокитобларни алоҳида каналга жойлаштиришга ва янгилаб боришга келишиб олдинди. Бу ҳақда «Xabar.uz»га Ўзбекистон матбуот ва ахборот агентлиги ахборот хизмати маълум қилди.Мазкур лойиҳа Ўзбекистон матбуот ва ахборот агентлиги, Ўзбекистон миллий телерадиокомпанияси, «Ўзбекистон темир йўллари» акциядорлик жамияти, «Ўзбекистон ҳаво йўллари» миллий авиакомпанияси ҳамкорлигида амалга оширилмоқда.
Ҳозирги вақтда «Ўзбекистон ҳаво йўллари» миллий авиакомпаниясида аудиокитобларни парвоз вақтида йўловчиларга намойиш этиладиган медиаконтентга киритиш бўйича иш олиб борилмоқда. Аудиокитоблар 2018 йил май ойидан бошлаб босқичма-босқич киритилиши режалаштирилган.
Шу ўринда «Ўзбекистон темир йўллари» акциядорлик жамияти томонидан ҳам бу борада керакли ишлар амалга оширилаётганини таъкидлаш лозим. Демак, энди ерда ҳам, осмонда ҳам китоб ўқиймиз!