Бугун, 31 октябрь куни Ўзбекистон Президентининг давлат маслаҳатчиси Новосибирск бозорларида меҳнат қилаётган ўзбек ёшлари билан учрашди.Ёшлар Иттифоқи матбуот хизмати берган хабарга кўра, Россияга ташриф буюрган Ўзбекистон делегацияси аъзоларининг кузатишлари ва ўрганишлари давомида ҳудуддаги бозорларда савдо қилаётган сотувчиларнинг 60 фоиздан ортиғи Ўзбекистон фуқаролари экани айтилган.
Асосан, водий вилоятлари ёшларини ташкил этган савдогарлар билан Давлат маслаҳатчиси самимий мулоқот қилиб, уларни қизиқтирган барча саволларга жавоб берган.
Бундан ташқари, Ўзбекистон делегацияси аъзолари меҳнат қилаётган ёшларнинг яшаш шароитлари билан танишган. Делегация аъзоси, Ўзбекистон халқ артисти Мирза Азизов ҳам ёшлар билан учрашувлар ўтказган.
Маълумот учун, Давлат маслаҳатчиси Қаҳрамон Қуронбоев бошчилигидаги делегациянинг Россияга сафари 9 ноябрга қадар давом этади.