Воронежда яшовчи икки Ўзбекистон фуқароси инсон савдоси билан боғлиқ жиноий иш иштирокчисига айланди, деб хабар берди Кун нашри. 39 ёшли эркак ва унинг 29 ёшли турмуш ўртоғи кичик қизини сотишга уринаётган вақтда қўлга олинди.
Тергов версиясига кўра, жорий йилнинг 8 сентябрида аёл қиз фарзандли бўлган, бироқ уни тегишли тартибда рўйхатдан ўтказмаган.
Куни кеча кечқурун жуфтлик нотаниш одамларга 30 минг рублга сотмоқчи бўлди. Бироқ улар ўзларининг ғаразли ниятларини охиригача амалга ошира олишмади, зеро полиция ходимлари уларни назорат қилаётган бўлган.
Манбага кўра, Ўзбекистон фуқаролари РФ ЖКнинг 30-моддаси 3-қисми, 127-модда 2-қисмининг "б, з" бандлари бўйича айбланмоқда.