6 сентябр куни Тошкент - Термиз автомобил йўлининг 832 км.да НEХИА автомашинаси ҳайдовчиси МАН юк машинаси билан тўқнашув содир қилган. Натижада юк машинаси йўлнинг қарама-қарши йўналишига чиқиб кетиб, яна иккита НEХИА автомашиналари билан тўқнашган. Бу ҳақда Тошкент вилояти прокуратураси расмий сайтида хабар берилди.ЙТҲ натижасида 6 нафар шахс, шу жумладан бир нафар вояга этмаган воқеа жойида вафот этишган. Яна 6 нафар шахс турли тан жароҳатлари олиб, шифохонага жойлаштирилган.
Воқеа жойида фавқулотда хизматлар ва ҳуқуқни муҳофаза қилувчи органлар ишлади.
Мазкур ҳолат юзасидан Жиноят кодексининг 266-моддаси (транспорт воситалари ҳаракати ва улардан фойдаланиш хавфсизлиги қоидаларини бузиш) билан жиноят иши қўзғатилиб, тергов ҳаракатлари олиб борилмоқда.