Ўзбекистон Республикаси Бош прокуратураси Россия ҳукуматидан Гулнора Каримованинг мол-мулкига тақиқ қўйишни сўрамоқда, деб ёзади Qalampir.uz нашри.“Ўзбекистон Республикаси Бош прокуратураси Россия Федерацияси прокуратурасидан Гулнора Каримовага нисбатан очилган жиноят иши бўйича ҳуқуқий ёрдам сўраб, унинг ушбу мамлакатдаги мол-мулкига тақиқ қўйиш бўйича сўров юборди”, дейилади хабарда.
Аввал хабар берганимиздек, 2013 йил 24 октябрда “Terra Group” МЧЖ, “Prime Media” МЧЖ, “Gamma Promotion” МЧЖ фаолиятида солиқларни тўлашдан бўйин товлаш ҳолатлари бўйича жиноят иши қўзғатилган. Бу ҳақда Ўзбекистон Республикаси прокуратураси расман тўлиқ маълумот берган эди.
Эслатиб ўтамиз, Гулнора Каримовага Ўзбекистон Республикаси Жиноят кодексининг 168, 178, 182, 189, 228 ва 243-моддалари билан айблов эълон қилиниб, унга нисбатан қамоққа олиш эҳтиёт чораси қўлланилган.