Кеча, 12 июнь куни Россия Федерацияси ўз миллий байрами – Россия кунини нишонлади. Ушбу байрам Тошкент шаҳридаги Россия Федерацияси элчихонасида ҳам тантана қилинди.Мазкур байрамга Ўзбекистон Республикаси Бош вазири Абдулла Арипов ташриф буюрди. Бу ҳақда элчихона Ахборот хизмати хабар берди.
Шунингдек, байрам тадбирида Ўзбекистон Республикаси Олий Мажлиси Сенати ва Қонунчилик палатаси, Ташқи ишлар вазирлиги, бошқа вазирлик ва идоралар, жамоат ташкилотлари, дипломатик корпус ва ОАВ вакиллари ҳам иштирок этди.
Россия Федерациясининг Фавқулодда ва мухтор элчиси Владимир Тюрденев сўзга чиқиб, Ўзбекистон Россия учун Марказий Осиёдаги энг керакли ҳамкорлардан бири эканини таъкидлади.