Тошкент шаҳар Миробод туман ИИБда бўлиб ўтган П.Ф.Боровский қурбони Жасурбек Иброҳимов иши бўйича фавқулодда йиғилишда ОАВ ходимлари ҳам иштирок этди."Qalampir.uz" сайти мухбирининг: "Қотилликда гумонланаётган шахс Ислом Тўлаганов бугун йиғилишга келмабди. Сабабини билмаймиз. Исломнинг қочиб кетмаслиги учун чоралар кўрилганми?", деган саволига Тошкент шаҳар ИИББ бошлиғи ўринбосари Дониёр Тошхўжаев жавоб берди:
"Ислом Тўлаганов бугунгача ҳам дастлабки тергов жараёнларида иштирок этган. Унинг қочиб кетмаслиги учун чегара ва аэропорт ҳудудларида назорат кучайтирилган, барча чоралар кўрилган".
Эслатиб ўтамиз, Ислом Тўлагановнинг онаси Зумрад Мамбетова ўғлининг қилмишини умуман оқлаб бўлмаслигини, айтиб, эртага ўзи уни олиб келишини айтган эди.