«Замин»ни Telegram’да ўқинг! Join!
Zamin.uz
, 23 2019, 12:13
ЎЗO‘Z

Шавкат Мирзиёев Андижондаги “Ўзавтосаноат” компаниясига борди

03 июн, 19:02 4 620 Жамият
Шавкат Мирзиёев Андижондаги “Ўзавтосаноат” компаниясига борди
Ўзбекистон Республикаси Президенти Шавкат Мирзиёев Андижон шаҳридаги эски “Андижонмаш” акциядорлик жамиятида бўлди. Бу ерда ташкил этилиши режалаштирилаётган кичик саноат зонаси лойиҳаси билан танишди.

Бўш турган ер майдони 19,16 гектар бўлган мазкур ҳудудда ташкил қилинадиган саноат зонасида енгил саноат, электрокабель, чарм-пойабзал маҳсулотлари, эшик-ром, мебель, дори-дармон, пластмасса ва қурилиш материаллари ишлаб чиқарилади, мева-сабзавот ва полиз маҳсулотлари қайта ишланади. 2 минг янги иш ўрни очилади.

Саноат зонасида тадбиркорлар ва тижорат банклари томонидан 127 миллиард сўмлик 15 лойиҳа амалга оширилиши кўзда тутилган.

“Engelberg Group” МЧЖнинг янги фабрикаси ана шу лойиҳалардан бири. Алюмин профилли ромлар ишлаб чиқаришга ихтисослашган корхона Туркия ва Германиядан келтириладиган замонавий технологиялар билан жиҳозланади. “Роҳат савдо сервис” МЧЖ томонидан суспензиялар, тиббий мазлар, ампулалар, сироп ва таблеткалар ишлаб чиқарилади.

Вилоятдаги хусусийлаштирилган ва бўш турган объектлардан самарали фойдаланишни ташкил этиш юзасидан кўрилаётган чора-тадбирлар тўғрисида маълумот берилди. Бу борада шаҳар ва туманларда қўшимча хатлов ишлари олиб борилмоқда. Шу кунга қадар 5 минг 697 бино-иншоот хатловдан ўтказилди, уларнинг 283 таси бўш турганлиги аниқланган. Шулардан 210 тасида янги лойиҳалар амалга ошириш режалаштирилган.

Президентга тақдим қилинган лойиҳалар кичик ва йирик ГЭСлар қуриш, газ таъминоти тизимини такомиллаштириш, цемент ва оҳак ишлаб чиқариш каби йўналишларга мўлжалланган.

Булоқбоши туманида Хитой технологияси асосида йилига 21 минг тонна кимёвий чўктирилган бўр маҳсулоти ишлаб чиқаришга мўлжалланган лойиҳа Марказий Осиёда ягона ҳисобланади. Маҳсулот тўлиқ маҳаллий хомашё – оҳактошдан олинади. Корхона ишга тушгач, чет элдан сотиб олинаётган шу турдаги маҳсулотга бўлган талаб қондирилади, уни экспорт қилиш йўлга қўйилади.

Давлат раҳбари лойиҳа ташаббускорлари – тадбиркорлар билан суҳбатлашди. “Ўзфармсаноат” компанияси ва тижорат банклари томонидан 2017-2018 йилларга мўлжалланган фармацевтика соҳасини ривожлантириш дастури лойиҳасига алоҳида эътибор қаратди.

“Трастбанк” томонидан Андижон туманида “Zamin Bio Health” жамиятида йиллик қуввати 10 миллион флакон инсулин ишлаб чиқаришга ихтисослашган лойиҳа амалга оширилгач, 100 киши иш билан таъминланади.

“Ўзэлтехсаноат” акциядорлик компанияси ва тижорат банклари томонидан 2017-2018 йилларга мўлжалланган мазкур соҳани ривожлантириш дастури лойиҳаси тақдимоти яратиладиган иш ўринларининг кўплиги билан эътиборни тортди.

Шавкат Мирзиёев “Ўзавтосаноат” акциядорлик компанияси Андижон вилоятида амалга оширишни режалаштирган лойиҳалар билан танишди.

Бунда енгил автомобилларнинг янги моделларини ишлаб чиқариш, ускуна ва жиҳозларни модернизация қилиш, енгил автомобиллар қисмларини ишлаб чиқаришни маҳаллийлаштириш, янги моделдаги автомобиллар учун интерьер, штампланган, пайвандланган панеллар, радиатор, кондиционер тизимлари, ўриндиқлар, овоз сўндиргич тизими қисмлари, газ чиқариш тизимлари ишлаб чиқаришни йўлга қўйиш кўзда тутилган.

“Замин” янгиликларини “Telegram”да кузатиб боринг
Мавзуга оид янгиликлар
  • Видео: Шавкат Мирзиёев Туркия Президенти билан учрашди 14 май, 21:52
  • Шавкат Мирзиёев Ўзбекистоннинг Биринчи Президенти ҳайкали лойиҳаси билан танишди 15 апр, 18:36
  • Президент Чилонзор туманидаги саноат корхоналари ва ижтимоий объектларни кўздан кечирди 12 апр, 17:55
  • Ш.Мирзиёев Туркияга ҳамдардлик билдирди 02 дек, 20:52
  • Шавкат Мирзиёев Дональд Трампни АҚШ президенти этиб сайлангани билан табриклади 10 ноя, 20:29
  • Шавкат Мирзиёев Алмазбек Атамбаевни туғилган куни билан табриклади 18 сен, 01:19
  • Сўнгги янгиликлар
  • Сенат ялпи мажлисида қандай масалалар кўрилмоқда? 23 авг, 11:57 5
  • Италиядаги пляждан 40 кг қумни олиб кетишга уринган туристлар қўлга олинди 23 авг, 11:56 15
  • Ўзбекистонда дам олиш кунлари қандай об-ҳаво кутиляпти? 23 авг, 11:33 81
  • Сенат янги қонунни маъқуллади 23 авг, 11:10 202
  • Купер ЖЧ-2022 йўлидаги илк ўйин олдидан йиғинга чақирган футболчилар рўйхати 23 авг, 10:43 127
  • Қорасувдаги мусобақада нималар бўлганди? (видео) 23 авг, 10:14 610
  • Қодиров: «Бугун одамлар итлардан, эртага эса қари ота-онаси ва «кераксиз» фарзандидан воз кечади» 23 авг, 09:50 528
  • Интернетда Ортиқхўжаев мурожаатчиларга қўполлик қилгани ҳақидаги аудиолар тарқалди 23 авг, 09:27 422
  • Apple компанияси 3 та янги iPhone смартфонлари ишлаб чиқаради 23 авг, 08:58 174
  • Борис Жонсон Макрон олдида оёғини стол устига қўйиб олди (видео) 23 авг, 08:30 607
  • Бўлимлар