2017 йилнинг 27 май куни тахминан соат 01:00 да, муқаддам судланган Алексанр Анатольевич Лян, таниши Наташа Цойнинг Мирзо Улуғбек тумани ҳудудидаги хонадонига ғайриқонуний равишда кириб, 200 АҚШ доллари миқдорда пул маблағларини талончилик йўли билан қўлга киритиб, жиноят содир этган жойидан яширинган. Тошкент шаҳар Мирзо Улуғбек тумани ИИБ ходимлари томонидан олиб борилган тезкор-қидирув тадбирлари натижасида, А.А.Лян ушланган.
Мазкур ҳолат юзасидан Мирзо Улуғбек тумани ИИБ ҳузуридаги Тергов бўлими томонидан Ўзбекистон Республикаси ЖКнинг 166-моддаси 3-қисми «б» банди (талончилик, яъни ўзганинг мулкини уй-жойга ғайриқониний равишда кириб очиқдан-очиқ талон-торож қилиш) аломатлари билан жиноят иш қўзғатилган.
Лянга нисбатан қамоққа олиш тарзидаги эҳтиёт чораси қўлланилган.
Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.
Жабрланувчининг анкета маълумотлари ўзгартирилган бўлиб, фамилия ва исмларнинг хар қандай ўхшашлиги тасодифий характерга эга.