Тошкент шаҳар Яккасарой тумани ички ишлар ходимлари 4 ёшли фарзандини пуллаётган она ҳамда унга бу ниятини амалга оширишда бевосита ёрдамлашган ва харидор топиб берган воситачи аёлни қўлга олишди. Бу ҳақда Тошкент шаҳар ИИББ бошлиғи ўринбосари Дониёр Тошхўжаев маълум қилди.Унинг сўзларига кўра, тошкентлик фуқаро қашқадарёлик аёлга фарзандини сотиш йўли билан пул ишлашни таклиф қилган. Бунда воситачи дастлаб болани 2 минг АҚШ долларига сотишга уринган. Бироқ, савдолашиш чоғида унинг нархи минг долларгача туширилган.
ИИББга келиб тушган хабар асосида кўрилган тезкор тадбир натижасида иккала аёл ҳам воқеа жойида ушланган. Уларга нисбатан Ўзбекистон Республикаси 135-моддаси, 3-қисми билан жиноий иш қўзғатилган.
Айни вақтда бола Тошкент шаҳар ИИББ қошидаги реабилитация марказида бўлиб турибди.