«Замин»ни Telegram’да ўқинг! Join!
Zamin.uz
, 19 2020, 07:10
ЎЗO‘Z

Бир йил давомида фақат картошка билан озиқланиш натижалари шифокорни ҳайратга солди

29 дек, 18:27 5 280 Жамият
Бир йил давомида фақат картошка билан озиқланиш натижалари шифокорни ҳайратга солди

Жаноб Эндрю Тейлор таомга бўлган чексиз муҳаббати билан ажралиб турарди. У қовурилган, аччиқ, ёғли таомларни паққос тушириб кунини ўтказарди. Шунингдек шоколад, тортлар ва ширинликлардан ҳам хуш кўрарди. Бир йил ичида Эндрю (ўзининг тан олишича) ўзини бошқара олмайдиган даражага етган. Бундай қарамликдан ташвишга тушган жаноб Тейлор ўзига ўзи савол берди: инсоннинг фақатгина бир турдаги маҳсулот билан озиқланиши нималарга олиб келаркин? Бу борада бироз фикр юритган Тейлор ўзи учун картошкали парҳезни танлаб олди ва бир йил унга риоя қилд, деб ёзмоқда Кун.уз сайти.

Рационал қарор

Тейлор картошканинг нафақат катта миқдордаги углеводга эгалиги, балки оқсил ва ёғларга ҳам бой эканлигидан хабар топди. Бундан ташқари, сабзавот инсонни С витамини ва темир моддаси билан таъминлайди.

Картошкали тажриба

Илк икки ҳафта анча оғриқли ўтди. Кўп овқат ейишга ўрганиб қолган Тейлор картошкаларни йиғлаб еб ўтирарди ва ўзининг суратларини ижтимоий тармоқларга юкларди. Бироқ 15-кундан бошлаб анча енгил тортгани ўзини ҳам ажаблантирди. У энди аввалгидек овқатга талпинмас, организм ҳам бир маромда ишларди.

Қатъий назорат

Тейлор кунига 4 килограммгача картошка истеъмол қилишига тўғри келмоқда. У ўзини қатъий назорат остига олди ҳамда на дўстлари билан йиғилганда ва на ресторанларда ўз парҳезига хиёнат қилмади (овқатини ўзи билан олиб юрди).

Ижтимоий жиҳат

Дастлаб Тейлорнинг дўстлари картошкали парҳез устидан кулишди, бироқ вақт ўтган сайин уни тушуниб, қўллаб-қувватлай бошлашди. Аввал картошка парҳезига қарши чиққан Эндрюнинг даволовчи шифокори эса бир йил давомида унга бепул хизмат кўрсатишга қарор қилди.

Ёқимли натижалар

Ҳар сафарги қон таҳлиллари аввалгиларидан яхши чиққани сари шифокорнинг таажжуби ошиб борди. Бир йил ичида Тейлорнинг организмидаги холестерин миқдори меъёрга келди, қон босими нормаллашди ҳамда қанд миқдорининг одатий юқори даражаси пасайди. Парҳездан олдин 152 килограммни кўрсатган тарози парҳез якунида 99 килограмм натижани қайд этди.

Тажриба якуни

Келаси йилнинг 1 январидан Тейлор ўзининг "картошка оламига саёҳати"ни тугаллайди. У соғлом фикрловчи инсон ва шу боис картошка парҳезини яна бир йил давом эттириш яхшиликка олиб келмаслигини жуда яхши тушунади. Ўтган вақт давомида Эндрю очофатлик одатидан мутлақо халос бўлди ва энди у картошка асосли янги рацион тузишни режалаштирмоқда. Ушбу рационга катта миқдордаги сабзавотлар, мевалар ва ёғсиз гўшт қўшилади.

Эндрю Тейлорнинг тажрибаси астойидил ҳаракат қилган инсоннинг албатта ўз мақсадига эришишига яққол мисол бўла олади.

“Замин” янгиликларини “Telegram”да кузатиб боринг
Мавзуга оид янгиликлар
  • Тухумнинг биз билмаган 13 фойдали жиҳати 24 май, 10:01
  • Ўзбекистонда картошка нархи ошиб кетишига нима сабаб? 01 апр, 09:52
  • Фокусчи кўринмас стули билан йўловчиларни ҳайратга солди (Видео) 12 фев, 18:01
  • Картошканинг 52 йиллик "бобоси" топилди 10 янв, 09:01
  • Косаткаларнинг акулаларга ҳужуми видеоси олинди 17 дек, 00:59
  • Картошканинг хавфли маҳсулот эканлигини исботлашди 18 май, 11:24
  • Сўнгги янгиликлар
  • “Шаҳр Ходро”нинг ягона легионери "Пахтакор"га учралган йирик мағлубиятдан сўнг нималар деди? 19 фев, 06:31 96
  • Хориж матбуоти: Яна бир муваффақиятсизликдан сўнг ўзбек футболини келажакда нима кутмоқда? 19 фев, 06:00 178
  • Хитой нима учун миллионлаб уйғурларни қамоқ лагерларига ташлаяпти? 19 фев, 00:15 1 195
  • ФҲДЁлар Давлат хизматлари агентлиги тасарруфига ўтади 18 фев, 23:57 266
  • Трамп савдо-сотиқда «миллий хавфсизлик»ни баҳона қилмасликка чақирди 18 фев, 23:40 245
  • Дабдабали тўй эгалари жазоланади, транспорт вазирлиги ва ИИВ кортежларни назорат қилади 18 фев, 23:21 667
  • Роналду севгилиси Жоржинага ҳар ой қанча пул беради? 18 фев, 23:05 988
  • АҚШда каптар ва чихуахуа дўстлашиб олди (Ҳамма кўриши шарт эмас) 18 фев, 22:50 596
  • Ўн тўрт кунлик таҳлика ортда қолди 18 фев, 22:30 548
  • Кабоб егиси келган келин ва жаҳлдор қайнота... 18 фев, 22:10 1 343
  • Бўлимлар