Буюк Британиянинг Global Markets нашри (“Euromoney Institutional Investor”нинг қисми) Жамшид Қўчқоровни "Марказий ва Шарқий Европа минтақасидаги (шу жумладан МДҲда) 2019 йилнинг энг яхши молия вазири" деб эътироф этди.“Жамшид Қўчқоров кейинги вақтдаги иқтисодий либераллаштириш дастурининг ишончли етакчисига айланди. Одатда собиқ совет республикаларида қолиб кетган тақиқлар сабабли узоқ йиллик тўхташлардан сўнг ислоҳотчи президент Мирзиёев валюта бозорини либераллаштириш, савдо чекловларини енгиллаштириш ва халқаро облигациялар бозорига Ўзбекистоннинг илк бор кириб боришини Қўчқоровга ишониб топширди”, -дейилади нашр хабарида.
Тақдирлаш ва тантанали эълон қилиш маросими ХВЖ ва Жаҳон банкининг Вашингтонда ўтказиладиган йиллик йиғилиши доирасида бўлиб ўтади.