Ёмон оғиз гигиенаси нафақат тиш ва милкларни зарарлайди, балки жигар саратони хавфини ҳам оширади.Илгари тишнинг касалланиши юрак хасталиклари, инсульт ва диабет келиб чиқиши хавфи билан боғлиқ эканлигини исботлашган эди. Аммо ошқозон-ичак трактининг саратон касаллигининг айрим турлари билан боғлиқлиги ҳақидаги маълумотлар ҳозиргача номаълум эди.
Жигар инсон танасидан зарарли бактерияларни чиқариб ташлашга ёрдам беради. Шу боис зарарли моддалар қонга тўпланиб, жигарда жиддий касалликларни келтириб чиқариши мумкин экан.
Бу ҳақда United European Gastroenterology Journalʼида чоп этилган тадқиқот хулосалари бағишланган мақолада келтирилган.
Мутахассисларнинг таъкидича, жигар саратонига асосий сабабчи оғизда яшайдиган “Fusobacterium nucleatum” бактерияси бўлиши мумкин. Аммо касалликнинг ривожланишида унинг роли қандайлиги ҳали ўрганилмаган. Тадқиқот давом эттирилиб, бунга аниқлик киритиш режалаштирилган.