«Замин»ни Telegram’да ўқинг! Join!
Zamin.uz
, 29 2024, 16:36
ЎЗO‘Z

Ёшлигидан Исломдан илҳомланган Петер Шютт ҳикояси

08 сен, 10:43 3 320 Ҳаёт тарзи
«Замин»ни Telegram’да ўқинг!
Ёшлигидан Исломдан илҳомланган Петер Шютт ҳикояси Петер Шютт – немис журналисти ва ёзувчиси. 1939 йилда туғилган ва кўп йиллар ўтгач, Гамбург Ислом марказида имонга келди. У бир нечта асарлар муаллифидир ва сиёсий фаоллиги билан ҳам танилган.

Ҳақ динни қидириш
Умримнинг ярмидан кўпини ҳақ динни излаб ўтказдим. Мен лютеранлар оиласида туғилганман. Лютеранлик билан буғиб ташланган тор уйимдан узоқлашдим ва ўн тўққиз ёшимда католик бўлдим. Мен маънавий сокинликни излардим. Aслида бу ҳаётимда жиддий ўзгаришга олиб келган қарор эди. Чунки мен билган динлар қалб бўшлиғини тўлдирмаётганини англаган эдим. Ўттиз йил ўтгач, Исломни қабул қилдим. Aммо энди Ислом бўшлиқ эмас, руҳ сокинлиги манбаси эди.

Ҳа, бу менинг руҳий етуклик ва ҳақни англаш йўлидаги кўп йиллик изланишларим натижаси бўлди.

Исломий ибодатларга содиқлик
Aслида Ислом мени болалигимдан мафтун қилган. Мен урушдан кейинги Германияда кичик бир қишлоқда катта бўлганман. Германиянинг биз истиқомат қилаётган қисми Буюк Британиянинг истило зонасига тегишли бўлиб бу жойларда Британия Ҳиндистонидан келган мусулмон аскарлар ҳам бор эди. Мусулмон аскарлар болаларга жуда меҳрибонлиги билан ажралиб турарди, кўпинча улар бизни хурмо ва анжир билан сийлашар эди. Биз аскарларнинг ибодатларини кузатиб, таъсирли дуоларини тинглардик. Шу сабабдан исломий ибодат қоидаларига риоя қилиш ҳақидаги болалик хотиралари мени умр бўйи тарк этмади.

Ҳаж зиёрати ҳикоялари
Мен ўз қишлоғимдан унчалик узоқ бўлмаган эски черковда Исломга қизиқадиган немислар ҳақида билиб олдим. Черков руҳонийси менга Исломни ўрганган машҳур немислар ҳақида гапириб берди. Масалан, таниқли немис шоири Гёте, Карстен Нибурани биринчи бўлиб ҳаж ибодатини адо қилган немис сифатида эътироф этган.

Ушбу ҳикоялар қалбимни ҳаяжон ва қизиқиш билан тўлдирарди ва мен Макка деб номланган муқаддас маскан ҳақида ўйлардим, нимага одамлар у ерга бориш учун узоқ ва машаққатли сафарга чиқиши мени ҳайратлантирар эди.

Озодлик илоҳиёти
Университетда ўқиётганда ҳам мен Ислом билан доимий алоқада бўлиб, диққатимни экзотик Шарқнинг санъати ва маданиятини ўрганишга қаратдим. Талабалар турар жойларида Эрон, Миср ва Нигериядан келган мусулмон талабалар ёнида яшардим ва биз узоқ кечалар дин ва эътиқод тўғрисида баҳслашардик. Бундан ташқари, ётоқхонада динлараро мулоқот форумларини ташкил этардик.

Ўша пайтда мен Исломга учинчи дунё халқларини озод қилиш илоҳиёти сифатида қараганман. Талабалар шаҳарчасидаги афро-мусулмон дўстларим Ҳерманн фон Bиссманнга қўйилган ҳайкалтарошлик ёдгорлигини бузишга мени илҳомлантирган. У Шарқий Aфрикада немис мустамлакачиси бўлиб, қонхўрлиги билан машҳур бўлган. Мен сиёсий фаол эдим ва талабалар намойишларида қатнашдим.

Менинг масжидим
1991 йилда ниҳоят шаҳодат калималарини келтирдим. Гамбургнинг Aльстер кўли яқинидаги Ислом маркази менинг масжидимга айланди. Бу нафақат ибодат учун жой, балки турли хил тадбирлар ўтказиладиган маскандир.

Динлараро мулоқотлар ва мунозаралар марказнинг муҳим ва мунтазам тадбирларидан биридир. Ушбу марказга Ислом ҳақида суҳбатлашиш учун дунёнинг турли бурчакларидан маърузачилар келишади. Устозим Меҳди Развий менга Исломни қабул қилган илк кунларимда жуда кўп ёрдам берди.

Аллоҳга етиш сабр-тоқатни талаб қилади
Охир-оқибат Исломга киришим учун умримнинг ярмидан кўпи ўтди. Бироқ мен охиригача етиб бордим деб ҳисобламайман. Мен Исломга келдим ва бу бутунлай янги саёҳатдир.

Aлбатта, шаҳодат калималарини айтганингиздан сўнг мусулмон бўласиз. Aммо бутун қалбинг ва шууринг билан ҳақиқий мусулмон бўлиш учун фақат имон калималарини келтириш камлик қилади.

Ҳақиқий мусулмон бўлиш учун умр бўйи ўрганиш жараёнида бўлишингиз лозим. Ислом шундай динки, агар ихлосли бўлсангиз, сиз учун ҳар куни қалб янгилиги бор ва ҳар куни ниманидир янгидан бошлашингиз керак. Бунинг учун сабр ва қатъият керак. 1967 йилда устозим Ислом марказимизда Қуръон тафсирини ўқитишни бошлаган. Унинг вориси, яъни мен ҳали ҳам бутун Қуръонни тугатмадим. Тушуниш учун вақт керак.

Мен мусулмон бўлиб дунёга келмадим ва мени ҳеч ким мусулмон бўлишга мажбур қилмади. Шунингдек, мен бир кечада мусулмон бўлиб қолганим йўқ. Ҳақиқатни излаш узоқ вақт давом этди. Иншааллоҳ, Аллоҳ насиб қилса, ҳаётимнинг ҳар бир янги куни билан ҳақиқатга яқинлашаман.
Манба: Azon.uz




Мавзуга оид янгиликлар
  • Оқ нондан воз кечганда организмда қандай ўзгаришлар юз беради? 22 мар, 15:13 324
  • Фарзандлар учун ота ва оналарга муносабат ҳақида 20 мар, 00:12 212
  • Узоқ умр кўрувчи инсонларнинг 5 та одати 19 мар, 16:40 485
  • Хурмонинг қандай фойдали хусусиятлари мавжуд? 18 мар, 22:30 329
  • Олимлар хотирани кучайтирувчи оддий машғулотни аниқладилар 16 мар, 23:43 355
  • Нечанчи фарзанд бўлиб туғилиш инсон шахсиятига таъсир қиладими? 16 мар, 16:50 437
  • Сўнгги янгиликлар
  • Халқаро суд Исроилга мажбурият юклади 29 мар, 15:40 0
  • Франция разведкаси марказий осиёликларни кузатишни кучайтирмоқда 29 мар, 15:15 34
  • Путиннинг атрофидагилар Украинанинг «Крокус»даги терактга алоқадорлигига ишонмаяпти 29 мар, 14:48 95
  • Ўзбекистон — Гонгконг футбол учрашувидан сўнг уч кишига маъмурий қамоқ жазоси тайинланди 29 мар, 14:22 69
  • Ҳибсдан вақтинча озод этилган Дани Алвес тонггача зиёфат уюштирди 29 мар, 14:01 114
  • Тошкентда хавфли ҳолат содир этиб, қарама-қарши ҳаракатланган ҳайдовчига чора кўрилди 29 мар, 13:30 40
  • Музликларнинг эриши Ернинг айланиш тезлигини ўзгартирмоқда 29 мар, 13:06 153
  • Полшада Россия жосуслик тармоғи иши бўйича тинтувлар ўтказилди 29 мар, 12:39 70
  • Samsung ўз тарихидаги энг яхши селфи камерали смартфонни намойиш этди 29 мар, 12:12 43
  • Вадим Абрамов: "Бундай сифатли ва савияли футболчига доим таркибда жой топилади" 29 мар, 11:50 184
  • Чехия европалик сиёсатчиларни Россиядан пора олиш схемасини фош этганини даъво қилмоқда 29 мар, 11:20 123
  • Шомуродовнинг аҳволи ҳақида маълумот берилди 29 мар, 10:53 326
  • Бўлимлар