«Замин»ни Telegram’да ўқинг! Join!
Zamin.uz
, 28 2024, 18:23
ЎЗO‘Z

Тушингиз таъбирини билишни истайсизми?

30 дек, 09:48 14 135 Ҳаёт тарзи
«Замин»ни Telegram’да ўқинг!
Тушингиз таъбирини билишни истайсизми? ИЛОН: Тушда илон кўриш ёруғлик белгиси. Илон чақса, қандайдир кўнгилсизликка учрайсиз. Илон ўйнатсангиз, қўлингизга қўшимча даромад тушади.
ГЎШТ: Тушда гўшт кўриш кўнгилсизликдан дарак беради. Қайсидир қариндошингиз касалга чалиниши мумкин. Гўштни ушлаб туриш, сотиб олиш, умуман қўлга олиш хасталик аломатидир. Гўшт ейиш ҳам жиддий кўнгилсизликка яқинлигини англатади.
ВАННА: Уйланмаган ёки турмушга чиқмаган йигит-қизлар тушида ванна қабул қилса, хавотир ва ҳаяжонли лаҳзаларни бошдан кечириши мумкин. Ҳомиладор аёл ванна қабул қилса, кўнгилсизлик, бахтсиз тасодифга йўлиқиши мумкин. Агар кўпчилик бўлиб ванна қабул қилсангиз, йўлингизга ҳасадгўй ва кўнгли қоралар кўндаланг бўлиши мумкин.
ВЕЛОСИПЕД: Баланд чўққига велосипедда кўтарилиш мартабангиз юқорилашидан дарак беради. Аёл киши тушида велосипедда баланддан пастга қараб тушса, кўнгилсизликка учраши мумкин. Саломатлиги ҳақида жиддий қайғуриши лозим бўлади. Башарти тўғри ва текис йўлда велосипед ҳайдаб кетаётган бўлсангиз, ишларингиз бароридан келади.
ГИЛОС: Тушда гилос кўрсангиз, янги дўстлар орттирасиз, мавжуд дўстлар, танишлар орасида ҳурматингиз ошади. Гилос есангиз, қимматбаҳо бир буюмга эгалик қилишингиз кутилади. Яшил гилос кўрсангиз, билингки, омад сиз тарафга яқинлашиб келмоқда.
ҚАРҒА: Тушда қарғани кўриш ташвиш келтиради. Қарғанинг қағиллашини эшитсангиз, кимлардир кайфиятингизни бузиши мумкин. Уйланмаган йигитлар тушида қарға кўрса, қайсидир қиз алдаб кетишидан даракдир.
ЎҒРИ: Тушингизда ўғри бўлсангиз-у, милиционерлар ортингиздан қувласа, кўнгилсизликка учрашингиз мумкин. Агар ўзингиз ўғрини қувиб тутиб олсангиз, душманларингиздан бирини ҳар жабҳада енгиб чиқасиз. Агар тунда ўғрилар ортингиздан қувласа, душманларингиз билан муносабатларингиз янада ёмонлашади.
БИТ: Тушда бит кўриш қайғу ва ташвишдан дарак. Устингизда бит ўрмалаб кетаётган бўлса, кутилмаган бойликка эришасиз. Битни тутиб олиб қўлингизда ушлаб турсангиз, бу ҳам давлат келишидан дарак беради.
ОЛМОС: Тушингизда қимматбаҳо тошлар подшоси ҳисобланмиш олмос кўрсангиз, билингки, сизни олдинда катта-кичик кўнгилсизликлар кутмоқда. Ўйлаб қўйган муҳим режангизни амалга ошира олмайсиз.
МАРҲУМ БОБО, МОМО, ҚОНДОШЛАР: Агар тушингизда оламдан ўтган яқинларингиздан бирини узоқдан кўрсангиз, сиз ҳаётингизда яна бир муваффақиятга яқин турибсиз. Марҳум ё марҳума билан қучоқ очиб кўришсангиз, яқин қариндошлардан бири билан юз кўришасиз. Агар марҳум бобо ёки момонгиз кўпчилик қариялар қуршовида сизни дуо қилса, ишласангиз, ишда, ўқисангиз ўқишда кўз кўриб қулоқ эшитмаган муваффақиятга эришасиз, Оллоҳнинг мўъжизаларидан бирини кўриш бахтига муяссар бўласиз.
ҚАШШОҚ: Тушда ўзингизни ўта қашшоқ ҳолда, жулдур кийимларда кўрсангиз, кўнгилсизлик эшик қоқиш арафасида деб билинг ва эртаси куни албатта гадойга садақа беринг. Агар қашшоқ одамларни кўрсангиз, ҳар жабҳада омадга эришасиз.
ОТ: Тушда от миниш обрў, мартаба ортишидан дарак. От босиб кетса, дардларингиз арийди.
МУШУК: Тушда мушукни эркаласангиз, жуфтингиз ёки бўлғуси жуфтингиз билан жанжаллашиб қолишингиз мумкин. Мушук тирмалаши бахтсизликдан далолат беради.
ПУЛ: Тушда пул олиш қайсидир танишлар билан суҳбатдан дарак беради. Бировга пул бериш ўзингиз бошқа бир одам ҳақида кимларгадир гапириб беришингиз кутилади.
ЛОЙ: Тушда лой, балчиқ кўрсангиз, душманларингиз яна оёғингизга болта уриш пайига тушган бўлади. Лойга ботсангиз, маломатга қолишингиз мумкин. Танангиз лойга ботган ва сиз уни тозалаб ташласангиз, маломатлар, туҳматлар, айбловлар ва танқидлар барҳам топади.
СОҲИБЖАМОЛ: Эркаклар тушида гўзал қизларни кўрса, хонадонида хурсандчилик ҳукм суради. Агар озғин, ранги синиқ қизни кўрсангиз, оилангизда кимдир хасталикка чалинади. Агар эркак тушида соҳибжамол билан бирга юрган, суҳбат қураётган бўлса, ишда ва шахсий ҳаётда унга омад кулиб боқади.

Манба: "Ҳордиқ"




Мавзуга оид янгиликлар
  • Оқ нондан воз кечганда организмда қандай ўзгаришлар юз беради? 22 мар, 15:13 312
  • Фарзандлар учун ота ва оналарга муносабат ҳақида 20 мар, 00:12 209
  • Узоқ умр кўрувчи инсонларнинг 5 та одати 19 мар, 16:40 473
  • Хурмонинг қандай фойдали хусусиятлари мавжуд? 18 мар, 22:30 314
  • Олимлар хотирани кучайтирувчи оддий машғулотни аниқладилар 16 мар, 23:43 349
  • Нечанчи фарзанд бўлиб туғилиш инсон шахсиятига таъсир қиладими? 16 мар, 16:50 426
  • Сўнгги янгиликлар
  • Рус нашрлари: «Крокус»да теракт уюштирганлар наркотик таъсирида бўлган 28 мар, 17:40 29
  • Тошкентда қалбаки долларни сотишга уринган шахслар қўлга олинди 28 мар, 17:17 10
  • Тошкентнинг “Бунёдкор” клубига янги бош мураббий тайинланди 28 мар, 17:00 79
  • Лезвия билан баданини кесган йигит ҳодисаси бўйича расмий маълумот берилди 28 мар, 16:44 121
  • Қандли диабет касаллигида рўза тутса бўладими? 28 мар, 16:20 68
  • 29 март куни Ўзбекистон ҳудудида қандай об-ҳаво кутилмоқда? 28 мар, 15:53 96
  • Жиззахда икки раҳбар 64 гектар ерни сотаётганда қўлга олинди 28 мар, 15:30 53
  • Россия НАТО билан жанг қилиш ниятидами? Путин нима деб жавоб берди? 28 мар, 15:07 275
  • Тошкентдан Фарғона водийсига микроавтобус қатнови ташкил этилади 28 мар, 14:43 45
  • Тошкентда 29 март куни «Автомобилсиз кун» тадбири ўтказилади 28 мар, 14:24 45
  • АҚШ полициячиларининг «ақлли қарори» Legoга маъқул келмади 28 мар, 14:00 90
  • Дубай ҳукмдорининг энг гўзал қизи қандай ҳаёт кечиради? 28 мар, 13:31 426
  • Бўлимлар