Соғлом уйқу суткасига 6 соатдан 8 соатгача давом этиши керак. Бу ҳақда олимлар халқаро гуруҳи маълум қилди. Уларнинг бу борадаги тадқиқоти Европа кардиологлар жамияти журналида чоп этилган.Кузатувлар тахминан 8 йил давом этган, мутахассислар 35-70 ёшда бўлган 116 минг кишининг уйқуси кундаликларини таҳлил қилиб чиқишган. Натижада улар уйқунинг меъёридан кўп бўлиши юрак-томир касалликларидан ўлиш хавфининг ошиши билан боғлангани ҳақидаги хулосага келишган.
Кунига 8 соатдан 9 соатгача ухлаган одамларда тавсия қилинган соат дам олганларга нисбатан ўлим хавфи 5 фоизга ошган. 9 соат 10 соатгача давом этадиган уйқу эса жиддий касалликлар ривожланиш эҳтимолини 17 фоизга, 10 соатдан кўпроқ ухлаш эса 41 фоизга оширган.
Олимларнинг айтишича, кундузги уйқу ҳам агар одам кечаси 6 соатдан кам ухласа, юрак касалликлари риавожланишига олиб келади. Бироқ уларнинг таъкидлашича, аксарият ҳолларда шу йўл билан тўйиб ухламаганлик компенсация қилинади ва кўрсаткич оптимал қийматларгача етади.