Мукаммал прессга эга бўлиш учун кўпчилик бекорга ҳаракат қилади. Ҳеч нарса, эрталабки югуришлар ҳам, ҳатто машқ қилиш залларида доимий шуғулланиш ҳам ёрдам қилмаётганидан шикоят қилади.Ҳақиқатан ҳам, мукаммал қорин мускулларга қандай қилиб эришиш мумкин? Ҳамма гап, маълум бир нозик томонларига тўғри ёндашишни билиш зарурлигидадир.
Хоҳлаганини ейиш
Парҳезнинг элементар қоидаларига риоя қилмасангиз ҳеч қачон чиниқтирилган мускулларга эга бўла олмайсиз.
Ҳатто югуриш йўлакчаси сиз учун эрталабки зарурий ажралмас қисмга айланган бўлса ҳам кун давомида истеъмол қилган ёғли овқат ва ичкилик натижасида бутун уринишларингиз бекор кетади.
Мускуллар учун озиқ-овқатлар
Кўпчилик ишлаб чиқарувчилар ўзларнинг озиқ-овқатларини мускулларни чиниқтиришга ёрдам бериши тўғрисида нотўғри реклама қилади. Лекин, минг афсуски мукаммал мускуллар учун мунтазам равишда шуғулланишдан бошқа ҳеч нарса ёрдам беролмайди.
Тез такрорлашлар
Жадаллик ҳеч қачон қорин мускулларини ишлатиш гарови бўлмаган. Мускуллар учун ҳар қандай машқларни узлуксиз равишда ва шошилмасдан бажариш зарур.
Танаффус қилиб туриш керак
Баъзи спортчилар машқларни икки-уч кунда бир марта қилиш керак деб ҳисоблайди. Яъни, танаффуссиз натижа бўлмайди дейишади. Бу нотўғри, мускулларни ҳар куни машқларни алмаштирган ҳолда ишлатсангиз мақсадингизга анча тез эришасиз.