Фото: «Mmaboxing.ru» Доғистонлик (Россия) UFC чемпиони Ҳабиб Нурмагомедов (28-0)нинг отаси Абдулманноп Нурмагомедов, нима қилиб бўлмасин, америкалик Тони Фергюсон (25-3)га қарши баҳорда ўтказиладиган жангда ўғлининг ёнида бўлмоқчи, деб ёзади «Xabar.uz» нашри.
Аммо бу осонмас: катта Нурмагомедов виза сўраб қилган кўп карра мурожаатларга АҚШ консулхонаси рад жавобини берган. Бошқа умид қолмагач, у Қозоғистон орқали ҳужжат топширмоқчи.
Нурмагомедов — Фергюсон жанги 2020 йилнинг 8 апрель куни Нью-Йоркда ўтказилиши белгиланган. Улар олдин ҳам тўрт марта ўзаро жанг қилишга уриниб кўришган, аммо ҳар сафар жароҳатлар панд бериб, мегафайт амалга ошмай қолган.