Она табиатимиз меҳрибон! Унинг берадиган нозу неъматлари инсонни жуда ҳам ҳайратга солиб қўяди гоҳо. Бу мақоламиз орқали сиз муштарийларимизга дунё ажойиботларидан бири бўлган ер юзидаги энг улкан ошқовоқ билан таништирмоқчимиз.Заминимиздаги энг оғир ва улкан ошқовоқ бу Атлантика Гигант ошқовоғи деб тан олинган. Ушбу Атлантика Гиганти 1904 йилдан 1976 йилгача бўлган даврдаги жаҳон рекордчиси Маммот қовоғининг авлодидир. Дунёдаги энг улкан мева номинациясини ҳанузгача қовоқ полвон ўзида ушлаб келмоқда.
2014 йилга келиб Атлантика Гигант ошқовоғининг ўрнини 2323,7 фунт (1 054,0 кг) тенг бўлган ошқовоқ эгаллади. Бу улкан қовоқни Бени Меиер исмли ботаник етиштирган бўлиб, у уч ҳафта ичида бундан олдинги учта дунё рекордини ортда қолдириб кетди. Айнан Бенининг семиз ошқовоғи бугунги кунда дунё рекордлари ичида етакчи ўринда турибди. Бундан олдинги қовоқ етиштириш бўйича рекордчилар Тим Матҳисон ва Морган Ҳилл бўлиб, улардан Тим Матҳисон ўз рекордини икки марта янгилаган.