Фото: EPA/UPGТуркия президенти Ражаб Тоййиб Эрдўған АҚШ президенти Дональд Трампнинг унга йўллаган хатига изоҳ берди ва америкалик ҳамкасбига вақти келиб жавоб қайтаришини айтди.
Эрдўғаннинг таъкидлашича, унинг мамлакати Трампнинг Туркиянинг Сурияда ҳарбий амалиёт ўтказиши билан боғлиқ “кескин” хатини “эсдан чиқармайди”. Эрдўған бу ҳақда Истанбулда хорижий журналистлар олдидаги чиқишида айтиб ўтди.
Трамп 9 октябрдаги хатида Эрдўғанни Сурияда ҳарбий амалиёт бошламасликка ва “қаттиққўллик ва аҳмоқлик қилмасликка”ка чақирган.
Эрдўған Туркия “мавриди келганда” ушбу хатга жавобан “барча зарур ишни амалга оширишини” айтган. Бироқ у “қандай ўч олиши” тафсилотларига берилмаган.
“Президент Трампнинг сиёсий ва дипломатик хушмуомаликдан холи хати ОАВда пайдо бўлди. Албатта, биз буни унутмадик. Биз буни эсдан чиқарсак нотўғри бўлади”, деб айтган Туркия етакчиси.