«Замин»ни Telegram’да ўқинг! Join!
Zamin.uz
, 20 2019, 02:50
ЎЗO‘Z

Тожикистон президентининг 21 ёшли ўғли ҳаётидаги илк лавозимга тайинланди

14 окт, 12:57 1 956 Дунё
Тожикистон президентининг 21 ёшли ўғли ҳаётидаги илк лавозимга тайинланди
Фото: president.tj
Тожикистон президенти Имомали Раҳмоннинг кенжа ўғли – 21 ёшли Сомон Имомали “Талко Кабель” алюминий компанияси бош директори ўринбосари этиб тайинланди. Сомон меҳнат фаолиятидаги ушбу биринчи лавозимни Тожик миллий университетини битириши биланоқ олди, деб хабар берди Kun.uz нашри.

Нашр манбаларидан бирининг маълумотларига кўра, Тожикистон президентининг ўғли ушбу лавозимда 3 ойдан бери ишламоқда.

“Аслида, уни бу ерга амалиёт ўташ ва тажриба орттириш учун юборишган. Ўз вақтида президентнинг тўнғич ўғли Рустам Имомали ўз меҳнат фаолиятини ёшлар ишлари бўйича қўмита ва иқтисодий ривожланиш ва савдо вазирлигида бошлаган. У сўнгра божхона хизмати ва аксилкоррупцион агентликдаги раҳбарлик лавозимларига олинган”, деб айтган манба.

Бошқа манбанинг хабар беришича, Сомон Имомали ҳам иқтисодий ривожланиш ва савдо вазирлигида амалиёт ўтамоқда, бироқ у ерда расман қайд қилинмаган.

2017 йил 8 мартда Тожикистон президенти матбуот хизмати Сомоннинг бир нечта суратларини илк бор эълон қилган. Суратлардан бирида унинг отаси Имомали Раҳмон ва акаси Рустами Имомали билан биргаликда Душанбеда кўчат ўтқазиш тадбирида иштирок этаётгани тасвирланган бўлган.

Тожикистон президентининг 7 қизи ва 2 ўғли бор. Улардан аксарияти юқори лавозимларни эгаллайди. Имомали Раҳмоннинг 2-қизи Озода Раҳмон президент аппаратини бошқаради, тўнғич ўғли Рустами Имомали пойтахт Душанбега мэрлик қилади. Раҳмоннинг 4-қизи Руҳшона Раҳмонова ташқи ишлар вазирлигининг бўлимларидан бирида бошлиқ, 6-қизи Зарина Раҳмон республиканинг энг йирик банкларидан бири ҳисобланган “Ориёнбанк”да раҳбар ўринбосари лавозимида ишлайди.

“Замин” янгиликларини “Telegram”да кузатиб боринг
Мавзуга оид янгиликлар
  • Имомали Раҳмон ёлғончи амалдорни шарманда қилди (видео) 13 май, 20:11
  • Шавкат Мирзиёев ва Имомали Раҳмон ўзаро мулоқот қилди 27 сен, 12:43
  • Тожикистон президентининг ўғли «Олтин тож» ордени билан мукофотланди 01 сен, 06:30
  • Ўзбекистон ва Тожикистон биргаликда ГЭС қуришни режалаштирмоқда 18 авг, 07:00
  • Тожикистон: ҳоким ўғил президент отасига миннатдорчилик билдирди 19 фев, 13:12
  • Сўнгги янгиликлар
  • 2019 йилнинг сўнгги премьералари (видео) 20 ноя, 00:16 166
  • Фаластин бош мураббийи Ўзбекистонга мағлуб бўлиш сабабини айтди 19 ноя, 23:59 297
  • Cоcа-Cоlа ҳақида қизиқарли маълумотлар 19 ноя, 23:50 313
  • Хотира турлари ҳақида маълумотга эга бўлинг 19 ноя, 23:26 162
  • “Dubai Cup-U23”. Ўзбекистон сўнгги дақиқаларда урилган гол эвазига мағлубиятдан қутулиб қолди 19 ноя, 23:14 239
  • Gucci брандининг тарихи ҳақида 19 ноя, 22:38 239
  • Зеленскийнинг ўзбекистонлик қиёфадоши Украина президенти ролини ижро этади 19 ноя, 22:15 501
  • Америкадаги қуллик тарихи 19 ноя, 21:51 378
  • Эртага айрим ҳудудларда ёмғир ва қор ёғиши кутилмоқда 19 ноя, 21:28 1 150
  • Ливанда намойишчилар парламент биносига олиб борувчи йўлларни ёпиб қўйди (видео) 19 ноя, 21:05 166
  • Бўлимлар