Италиянинг Norman Atlantic паромида юз берган ёнғин оқибатида 8 киши ҳалок бўлди, 427 киши қутқарилди. Бу ҳақда Италия транспорт вазири Маурицио Лупи хабар берди. У, шунингдек, кемадаги йўловчиларнинг аниқ сони маълум эмаслигини қўшимча қилиб ўтди, деб ёзади kun.uz.Грециянинг Патра шаҳридан Италиянинг Анкона портига йўл олган кемада 478 нафар йўловчи ва кема экипажи аъзолари бўлган. Кема 28 декабрь, якшанба куни Корфу оролидан 40 денгиз мили узоқликда ёниб кетган.
Грециянинг АНЕК компаниясиг томонидан фойдаланилаётган Norman Atlantic кемасида ёнғин маҳаллий вақт билан 04:00да, автомобиллар турадиган қаватда бошланган. У ерда 222та автомобиль, шу жумладан, техник мой, ёқилғи-мой маҳсулотлари ортилган юк машиналари ҳам бўлган.