Мексика жанубида тимсоҳ ёш болага ҳужум қилиб, уни сув остига олиб кириб кетди. Бу ҳақида “Rg.ru” нашри хабар бермоқда. Маълум қилинишича, ҳодиса 1 январь куни, оила Пинотепа-Насьональ шаҳри пляжларидан бирида дам олаётган пайт содир бўлган. Тимсоҳ кутилмаган пайтда сув остидан сакраб чиққан ва 12 ёшли болани тишлаб, сув остига олиб кириб кетган.
Айни пайтда қутқарувчи ва кўнгиллилар болакайни изламоқдалар, аммо уни тирик топиш умиди дақиқа сайин йўқолиб бормоқда.