1995 йилнинг энг яхши футболчиси сифатида “Олин тўп” га эришган спортчи Жорж Веа Либериянинг янги президенти этиб сайланди.Хабарда айтилишича, 51 ёшли сиёсатчи президентлик сайловларининг иккинчи туридаги мамлакатнинг амалдаги вице президенти Жозеф Бокаядан 12 ва 15-округларда ўзиб кетган.
Либерия ҳалқ сайлов комиссияси сайловга тегишли аниқ рақамлар ва натиажалар барча бюллтенлар ҳисоб-китоб қилингандан сўнг эълон қилинишини айтган.
“Мен ўз оилам, дўстларим ва сайлов кампаниялари давомида менга кўмак берган барча тарафдорларимдан миннатдорман” деб ёзади Жорж Веа “Twitter”даги саҳифасида.
“Милан”, “Челси”, ПСЖ ва “Манчестер Сити” жамоалари таркибида ҳужумчи сифатида тўп сурган футболчи амалдаги президент, Нобель мукофоти лауреати Элен Жонсон-Серлиф ўрнини эгаллайди.
Веа президентлик учун 2005 йилдаги сайловларда ҳам иштирок этган ва 40% овоз билан иккинчи ўринга муносиб кўрилганди. Аввалги сайлов натижаларига кўра президентлик ўрнини Африка тарихидаги илк аёл раҳбар Жонсон-Серлиф эгаллаган, Веа эса 2014 йилда Либерия сенати аъзоси сифатида сайланган.