Қозоғистоннинг Қустанай вилоятида чўпон ва унинг отари чақмоқ уриши туфайли юзага келган ёнғин оқибатида ҳалок бўлди, деб хабар берди Darakchi.uz нашри.Отарни қутқаришга ҳаракат қилган чўпон ёнғинда ўзи ҳам ёниб кетди. Чўпоннинг саккиз фарзанди бўлган. Отардаги 1500 та қўйнинг ҳаммаси ёнғинда ёниб кетди.
Ўтган йилнинг июнь ойида Қирғизистонда яшин оқибатида чиққан ёнғинда 300 та қўй ёниб кетган эди. Чўпон қўйларни Қашқа-Суу яйловига ҳайдаган. Суук-Добо довонида эса вақтинчалик тунаш учун тўхтаган. Отарда 600 нафар қўй бўлган. Яшин отарнинг устига тушган, оқибатда 120 та қўй жойида ҳалок бўлган, 145 та қўй эса қўрққанидан жарликка сакраган. Чўпоннинг ўзи эса тирик қолган эди.