Колумбиянинг Манисалес шаҳрида рўй берган кўчки 19 кишининг ўлимига сабаб бўлди. Яна 6 кишининг тақдири ҳозирча номаълум.
Албания парламенти президентликка номзод бўлмагани учун мамлакат раҳбариятини сайлай олмади. Бош вазир Эди Рама бошчилигидаги партия биринчи раундда номзодни илгари суришни маъқул кўрмади. Агар сайловларнинг 5 раундида ҳам номзод таклиф этилмаса, парламент тарқатилади.
Венесуэланинг Миранда штатида ўтказилган ҳукуматга қарши намойишларда бир ҳарбий вафот этди. Шу тариқа, мамлакатда ўтган оммавий намойишларда қурбон бўлганлар сони 3 нафарга етди.
Зимбабведа қўйлар расман пул сифатида қабул қилинадиган бўлди. Ҳукумат қорамол ва уларнинг хизмати орқали таълим учун тўлаш имкониятини яратди. Аҳоли, шунингдек, эчкиларни ҳам пул сифатида тақдим этишлари мумкин.