АҚШда баптист черкови автобусининг пикап билан тўқнашуви оқибатида 12 киши ҳалок бўлди, 3 нафари жароҳат олди. Бу ҳақда «РБК»га асосланиб, «Дарё» хабар бермоқда.Йўл-транспорт ҳодисаси Техас штатида, Сан-Антонио шаҳрининг ғарбий қисмида содир бўлди. Автобус ичида 14 киши бўлган эди. Жароҳатланганлар орасида пикап ҳайдовчиси ҳам бор. Уларнинг барчаси шифохонага ётқизилган.
Тўқнашув содир бўлган трасса маълум муддатга беркитилди. Автобус ичида бўлганларнинг аксарияти катта ёшдаги баптист черковига қатнайдиган диндорлар эди.