АҚШ президенти Дональд Трамп тарафдорларининг Калифорния штатидаги Хантингтон-Бич шаҳридаги намойиши президент тарафдолари ва унга қарши чиқаётганларнинг оммавий муштлашуви билан тугади.Kun.uz нашрининг ёзишича, муштлашув Трампга қарши чиқаётганлардан бири намойиш ташкилотчиларидан бири бўлган аёлнинг юзига гармдори гази пуркагандан кейин бошланган. Трамп тарафдорлари вазиятга аралашишгандан кейин муштлашув чиқиб кетган.
Муштлашаётганларни полиция ажратишига тўғри келган. Оқибатда 2 киши жароҳат олган, бир неча киши ҳибсга олинган. Улардан 3 нафари гармдори гази қўллагани, қолганлари эса қоидабузарликлар содир этганликлари учун ҳибсга олинганлар.
Намойишда Трамп тарафдорлари 2 мингга яқин кишини ташкил қилган, унга қарши чиқаётганлар эса анча камчиликни ташкил қилган.